“Tasba ra upla sut ba yapti bîla kumi baman aisi kan”

11:1-4, 6-9

Babel tawanka ra, bîla walras uplika nani ba bîla sât sât Jehova mita yaban aisan bara plis sât sât ra plapi yakawan. Sakuna naiwa piua ra, Jehova nisan sât sât wina bara bîla aisi sât sât wina upla kwâra tara kum asla daukisa, bara witin nani ra “kasakka tânka bîla nani” ba smalkisa, witin nani ba Jehova nina mâkisa bara asla lâka ra Jehova warkka dauki banhwisa (Sof 3:9; Par.M 7:9). “Kasakka tânka bîla” aisi banhwi ba, Jehova tânka kasak smalkanka nani sa bara ai pramiska nani ba sin Baibil ra taki ba.

Upla bîla tringsar kum lan takisa taim, wan sinska ra bîla nani dingkaia baman tânka apia sa. Wan lukanka tnatka ba sât wala takaia sa. Sim baku, tânka kasak ba bîla tringsar kum baku aisi lan takisa taim, wan lukanka ba sât wala takisa (Ro 12:2). Naha na piu bani dauki kaia sa, baha mita Gâd uplika nani ba ban asla sa (1Ko 1:10).