KRISTIAN RAYAKA KAT IWAIA
Tâura smasmalkra warkka dauki Jehova ra mayunpi
Israel uplika nani ba aitani Jehova ra mayunaia kan, witin Idsip wina pri sakan kan bara fero aiklaklabra daknika tara wina swaki sakan kan bamna (Imp.St 15:1, 2). Nawas piua ra sin, Jehova diara yamni daukisa ai uplika nani dukiara. ¿Yawan nahki sip sa wan tingkika lâka witin ra marikaia? (Law 116:12).
Tnatka kum ba sika tâ baiki smasmalkra kaia, apia kaka tâura smasmalkra. Baku takaia wisi, Jehova ra yawan makabaia sip sa brinka bara karnika ba wankbia (Pil 2:13). Pas tâura, kristian ailal ba tâ baiki smasmalkra takisa. Marzo bara abril kati ra yawan sip sa smalkaia warkka ra 30, apia kaka 50 awar nani daukaia, impaki pura kakaira ba wan kangrigisanka ra bal kaikisa katka ra sin. Tâ baiki smasmalkra taki uba lilia damra walisma, ba mita ban kra kau trai munaia want kama tâura smasmalkra takaia. Ya nani piua aiska wark taki ba, bara siknis bri nani ba kat sin tâura smasmalkra takan sa (mwb16.07-S 8). Jehova ra mayunaia yawan karna trai muni ba aitani pali sa, ¿rait apia? (1Kr 16:25).
MONGOLIA WINA LAKRI MAIRIN YUMHPA BA LILKIKA KAIKBIA NINGKARA, NAHA MAKABI WALANKA NANI LAKI KAIKS:
¿Kristian mairin nani ba tâura smasmalkra takaia dukiara dîa trabilka nani pura luan?
¿Dîa blisinka nani brin sa?
Witin nani tâura smasmalkra takan ba mita, ¿dîa chanska nani brin Jehova warkka kau daukaia dukiara?
Witin nani baku daukan ba mita, ¿wala nani sin dîa daukan?