Jehova ra mayunaia natka pliki saks
1. ‘Jehova ra mayunaia’ dukiara, ¿dîa sanska raya wankan sa?
1 Kakamuk kati wina, diara raya kum bâra sa: smalki tataukra nani ba tâ baiki smalkaia warkka ra 30 awar daukaia sip sa Kakamuk kati bara Lih Wainhka kati. Baku sin, impaki pura kakaira kangrigisan ra wih kaiki kabia katka bilara daukaia sip kabia. Bara impaki pura kaikaira kati wâl tilara kangrigisan kum ra wih kaikbia kaka, smalki tataukra nani ba sip kabia 30 awar daukaia bara laki kaikbia ani katka ra daukaia sip sa sapa. Baku sin, witin nani ba impaki pura kakaira ba tâura smasmalkra bara piu aiska smalki tataukra nani wal asla aidrubanka kum dauki ba tilara sip kabia aidrubanka sut ra kaia. Naha wiaia want sa yawan 50 awar daukaia sip apia kaka, ban ‘Jehova ra mayunaia’ sip kabia, tâ baiki smasmalkra warkka tilara 30 awar dauki (Law. 109:30; 119:171).
2. ¿Tâ baiki smasmalkra warkka dauki nani ba dîa yamnika bribia?
2 Impaki pura kakaira wih kaikbia piua ra. Nanara upla manis sip kabia tâ baiki smasmalkra baku takaia impaki pura kakaira kangrigisan ra wih kaikbia piua ra. Baku sin, kupia buki bîla nani walbia bara witin wal smalki taukaia sip kabia (Ro. 1:11, 12). Tâ baiki smasmalkra kum kum ba, ban kra bakisan saki wik bilara yu kum impaki pura kakaira wal smalki tauki kabia. Bara ya nani wik bilara wark takisa kaka, sip sa impaki pura kakaira ba ra makabi walaia satadi apia kaka sandi ra witin wal smalkaia sip sa sapa. Bara uba liliakira kabia tâ baiki smasmalkra nani ba tâura smasmalkra nani wal aidrubanka kum dauki ba tilara aikuki kaia.
3. ¿Dîa muni Jisas Pruanka Kupia Kraukanka piua ba yamni sa tâ baiki smasmalkra baku takaia dukiara?
3 Kakamuk kati bara Lih Wainhka kati. Ya nani Jisas Pruan Kupia Kraukanka piua ra tâ baiki smasmalkra baku 30 awar daukbia ba sip kabia ¡“Gâd ra mayunra yabaia”! (Hib. 13:15.) Kakamuk kati bara Lih Wainhka kati sanska painkira wankbia tâ baiki smasmalkra warkka daukaia dukiara. Mani bani baha katka nani bilara, yawan paiwanka nani upla mihta ra swibia Jisas Pruanka yua ra wabia dukiara. Bara muihni lakri ailal smalkaia dukiara taki ba mita, yawan sip kabia witin nani yula kahbaia. Jisas Pruan Kupia Kraukanka ningkara, ya nani baha yua ra wan ba ra kli wih kaikaia want sa. Baku sin, paiwaia sa aisanka painkira kum ba wih walbia dukiara. Baha mita, ¿kupiam bukisa naha sanska nani yus munaia tâ baiki smasmalkra baku takma dukiara? (Lk. 6:45.)