Jehova wal pâna lâka bri ba tara kulkpi

Jehova ra rayaka yabaia pramis muni tahbi daukan lâka brin Jehova witniska nani ba prisant pranakira kum brisa. Baha sika Karnika Aiska Bri Gâdka Jehova wal pâna lâka pâkaia. Witin ai lamara wan brih balan ai Luhpia bâk, bara wan pura sunra nani walisa (Law 34:15; Jn 6:44).

¿Yawan nahki sip sa Jehova wal pâna lâka bri ba main kaikaia? Tânka kum ba sika Israel uplika nani dîa saura daukan ba nina blikaia apia. Jehova wal aisi lâ daukan ningkara tisku kan gul ni bîp lupia lilka kum paski mayunan (Imp.St 32:7, 8; 1Ko 10:7, 11, 14). Man silp mamkabi wals: “¿Traika kaikanka mapara sna taim, dîa daukisna? ¿Daukanki nani wal marikisna ki Jehova wal pâna lâka bri ba tara kulkisna?”. Wan Aisa Jehova ra kasak latwan kaikisa kaka, witin dîa misbara kaiki nani ba wina yawan plapaia sip sa (Law 97:10).

JEHOVA WAL PÂNA LÂKA BRI BA MAIN KAIKS (KOL 3:5) LILKIKA BA KAIKBIA NINGKARA NAHA MAKABI WALANKA NANI LAKI KAIKS:

• ¿Gridi lâka ba dîa sa?

• ¿Dîa muni yawan gridi lâka bara aidul lâka wina sait ra kaia sa?

• ¿Rug lâka wihki aidul lâka wal dîa tânka ra kumi sa?

• ¿Kangrigisan ra wark ailal bri nani ba dîa muni ai maritka nitka nani ra ban lukaia sa?