Noviembre katka ra Gâd Kingka Lâka dukiara upla ra maisa pakaia warkka tara ba

Jisas maisa pakan Gâd Kingka Lâka sturka yamni ba bara upla nani ra smalkan baha Kingka Lâka dukiara pura sunaia (Lk 4:43; Mt 6:9, 10). Noviembre katka ra, Gâd Kingka Lâka dukiara upla ra maisa pakaia warkka tara bâra kabia (Mt 24:14). Yawan sip sa baha warkka wan karnika aiskakira tâ baikaia. Baha katka ra yawan sanska brisa tâ baiki smasmalkra baku 30 apia kaka 50 awar wark takaia.

Baha warkka daukbia piua ra, dîa sip ba kat trai muns upla ailal ra Baibil tikska kum aisi kaikaia Gâd Kingka Lâka dukiara aisi ba. Baibil tikska kum wahbi sakbia taim, smalkisa pliska ra upla nani dîa kasak luki ba ra luks. Uplika wal aima pas ra aisisa taim kau nu takan daukisa kaka, witin ra kum yas La Atalaya wauhkataya numba 2, 2020 (upla sut mihta ra yabi ba). Piu wihka swipara kli witin wal aisaia dukiara bara Baibil stadika tâ krikaia trai muns smalkaia hilpka nani tila wina ulbi sakanka kum ba wal. Kau piua wiria baman bâra sa Gâd Kingka Lâka mita naha tasba gabamintka nani sut ra sauhki tikbia ba kat (Dn 2:44; 1Ko 15:24, 25). Baha mita, naha sanska tara na pain yus munaia sa Jehova bara ai Kingka Lâka ra wan kasakka lâka marikaia dukiara.