¡Upla sut ra wis tasba kau pain ba pat baila sa!

Noviembre kati ra yawan wark tara daukbia. Trai munbia tasba kau pain ba pat baila sa upla sut ra smalkaia (Law 37:10, 11; Par.M 21:3-5). Yawan sip sa baha warkka wan karnika aiskakira tâ baikaia. Baha katka ra yawan sanska brisa tâ baiki smasmalkra baku 30 apia kaka 50 awar wark takaia.

Baha warkka daukbia piua ra, dîa sip ba kat yawan trai munbia upla ailal ra Baibil tikska kum aisi kaiki yabaia tasba raya dukiara aisi ba. Baibil tikska kum wahbi sakaia dukiara, smalkisa pliska ra upla nani dîa kasak luki ba ra lukpi. Uplika wal aima pas ra aisisa taim kau nu takan daukisa kaka, witin ra kum yas La Atalaya wauhkataya numba 2, 2021 (upla sut mihta ra yabi ba). Piu wihka swipara kli witin wal aisaia dukiara bara Man lilia bas wauhkataya tara ba wal Baibil stadika kum tâ krikaia trai munpi. ¡Nahki painkira sa “sturi yamni” kau pranakira ba upla nani wal sher munaia dukiara wan taimka bara karnika yus munaia! (Ais 52:7).

RAIT AIHWA RAYAKA BA LAWANA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Tuktan mairin kum ba ai kaina piua ra dîa diara pranakira kum takbia luki kaikisa?

• ¿Man tasba raya ba dukiara diaura kau pali bîla kaikisma?

• ¿Tasba raya dukiara luki kaikaia ba nahki hilp mai munbia noviembre kati warkka tara ba tâ baikaia? (Lk 6:45).