Revista nani ban yus muni kap

2018 manka wina, wan revista nani upla sut mihta ra yabi ba aima bani lukanka kumi dukiara aisisa. Revista nani sut ba wan smalkaia hilpka nani tilara sa, baku bara smalkaia warkka ra baha nani yus munaia sip sa. Baku sin revista kum kum brih taukaia sip sa diara atkaia wisa taim apia kaka impakisa taim. Yawan upla ra Baibil stadika yabaia dukiara revista nani yus munras sa, kuna revista nani ba upla nani ra hilp munaia sip sa Jehova ra kau kakaira takaia brinka bribia.

Upla kum wal aisisa taim, Baibil tikska kum aisi kaiki yas bara revista kum mariks witin aisi kaikan daukbia ba. Upla kum ai pamalika brisa kaka, apia kaka sari lâka bara ai kupia turbanka brisa kaka, wiaia sip kabia: “Bisiura baha dukiara ulbanka kum painkira aisi kaikri. ¿Mamrikaia sip sna ki?”. Uplika ba aisi kaikan daukisa kaka, baha wauhkataya yabaia apia kaka formato digital tnatka ra blikaia sip sa. Aima pas ra aisisa taim, baku daukaia sip sa. Yawan smalkisa taim ulbi sakanka nani upla mihta ra swiaia ba wan lukanka pas apia sa, kuna revista nani ba hilp wan munaia sip sa Gâd bîla walaia wilin nani ra pliki sakaia (Ap.St 13:48).

2018

2019

2020