KRISTIAN RAYAKA KAT IWAIA
Wahma tiara nani, aisikam yaptikam ra kupiam kwâki aisas
¿Dîa muni dîa lukisma ba aisikam yaptikam ra aisaia nit sma? (S.L 23:26). Kan, Jehova witin nani ra wark yaban, rayakam ra main mai kaikbia bara mai smalkbia (Law 127:3, 4). Man trabilkam, apia kaka dîa kau tara kulkisma ba aisikam yaptikam ra wiras sma kaka, witin nani mapara karna kabia hilp mai munaia. Baku sin, witin nani sturka ba wina lan takaia sanska ba lus tiwaia sip sma. Nanara, ¿rait pali nit sma ki diara sut aisikam yaptikam ra aisaia? Man diara saura ba witin nani wina yukukras sma kaka, ban baku daukaia nit apia sa (S.L 3:32).
¿Aisikam yaptikam wal nahki aisaia sip sma? Witin nani bara man mampara sin aisaia sanska pain kum pliks. Apia kaka, nahki damra walisma ba wauhkataya kum ra ulbi yabaia sin sip sma. Sakuna, ¿witin nani diara kum dukiara man wal aisaia want sa, kuna man aisaia want apia sma kaka? Witin nani hilp mai munaia want ba kupiam krauks. Aisikam yaptikam ba pâmnika nani banhwisa, waihlam lika apia. Aisikam yaptikam wal kupiam wina aisaia dukiara dîa dîa daukma ba sut, rayakam ra hilp mai munaia sip sa, nawas bara ban kaia ra (S.L 4:10-12).
WAHMA TIARA SMA TAIM: AISIKAM YAPTIKAM WAL NAHKI AISAIA SIP SMA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Esther bara Partik dîa ai dara wali banhwi kan?
¿Jisas wina dîa lan takaia sip sma ki?
¿Aisikam bara yaptikam ba latwan mai kaiki ba nahki mai marikan sa?
Aisikam yaptikam ba want sa rayakam ra pain mai wabia.
¿Baibil smalkanka nani ba wina, ani ba aisikam bara yaptikam wal aisaia dukiara hilp mai munaia sip sa?