KRISTIAN RAYAKA KAT IWAIA

Rilidian briras uplika nani ra ai Papaskra ra kakaira takbia dukiara hilp muns

¿Pat aima kum ra rilidian briras uplika ra smalkras swiram, witin mai walbia apia lukram ba mita? Baku sa kaka kupiam krauks, Jehova witniska nani tilara rilidian briras kan nani, apia kaka Gâd âpu sa luki kan nani ailal bâra sa. Bara witin nani aihkika ba, Gâd kum bâra sa tânka nani laki kaikaia dukiara hilp lupia kum baman nit kan (Ro 1:20; 10:14).

KUPIAM KRAUKS: KASAK LUKAN LÂKA ÂPU NANI BA BRIAIA SIP SA—RILIDIAN PRAPTIS MUNRAS UPLIKA NANI BA LILKIKA BA KAIKBIA NINGKARA, NAHA MAKABI WALANKA LAKI KAIKS:

• ¿Tommaso ra takan sturka ba nahki wan kupia bukisa rilidian briras uplika nani ra smalkaia dukiara?

Ansikam

Nahki daukaia sip sma

Gâd ra kasak lukras uplika kum wal prawma kaka, kupia yamni lâka mariks, tânkira lâka wal aisas bara witin dîa luki ba aman wals (2Ti 2:24). Witin dîa kau nu takan dauki ba dukiara aisas. ¿Papaskra kum bâra sa tânka nani laki kaikaia dukiara uplika ba wilin sa ki? Baku sa kaka, baha sât uplika nani dukiara ridi daukan wauhkataya bara lilkika nani yus munaia sip sma. Naha wauhkataya nani tilara sa: ¿Es la vida obra de un Creador? bara El origen de la vida. Cinco cuestiones dignas de análisis. Naha ulbi sakanka nani isti pliki sâkma dukiara, smalkaia hilpka nani tilara mangkan sa.

Gâd ra kasak lukras uplika ra smalkaia ba, ban kra karna sa lukma. Baku sa kaka smalki tataukra lankira kum ra hilpka makas. Bara ban kupiam krauki bas: kupia wilin bri uplika nani ra tânka kasak smalkaia dukiara Jehova hilp mai munbia, Gâd âpu sa luki nani ra kat sin (Ap.St 13:48).