KRISTIAN RAYAKA KAT IWAIA
Aisa yapti nani, luhpiam nani ba sins lâka bri uplika kum kaia sip sa
Luhpiam nani Gâd nakra ni sins lâka bri uplika kum kabia dukiara, aidrubanka nani wina yamnika aiska sakaia hilp muns. Witin nani aidrubanka nani ra dîa kaiki ba, wali ba, bara aisanka yabi ba, Jehova dukiara kau lan takaia bara ai pânika kaia hilp munisa (Kli S 31:12, 13). Sakuna ¿luhpiam nani aidrubanka nani wina yamnika aiska sâkbia dukiara nahki hilp munaia sip sma?
Internet bâk aidrubanka nani ra dimaia watlika ra, Aidrubanka Watla kat asla aidrubaia trai muns (Law 22:22).
Aidrubanka tâ krikras kainara apia kaka lubia ningkara, luhpiam ra muihni lakri nani wal taim lubia yas (Hib 10:25).
Aidrubanka nani ra stadi taki ulbi sakanka nani ba (celular apia kaka print munan wauhkataya ra) pamalikam uplika kumi bani ai mihta ra bribia yas.
Luhpiam nani ra hilp muns ai kupia wina aisanka nani yabaia dukiara (Mt 21:15, 16).
Aima bani aidrubanka nani dukiara pain aisas, bara bahara dîa lan takisma ba dukiara sin.
Aidrubanka Watla klin muni piua baku, luhpiam nani kangrigisan warkka tâ baiki, muihni lakri almuk nani wal kakaira takbia dukiara hilp muns.
Luhpa kum Jehova lamara wabia hilp munaia dukiara kasak karna wark takaia sa, bara aisa yapti baku sam taim, sip apia sma baku damra walaia sip sma. Kuna kasak lukaia sip sma yakan apia sma ba, Jehova baha daukaia hilp mai munbia (Ais 40:29).
AISA YAPTI NANI, JEHOVA KARNIKA MAIKBIA KASAK LUKS LILKIKA KAIKBIA NINGKARA, NAHA MAKABI WALANKA NANI LAKI KAIKS:
¿Miguel bara Lidia uba swapan kan ba mita dîa sât trabilka nani brin?
¿Dîa muni aisa yapti nani ba Jehova karnika yabia makabaia sa?
¿Jehova ra tniwaia dukiara Miguel bara Lidia dîa daukan?