¿Jehova witniska nani ba smasmalkra mairin nani brisa ki?

Au. Yawan Jehova witniska nani ba sut smasmalkra banhwisna bara yang nani tilara mairin milian milian bâra sa, naha tânka dukiara Baibil ba naku wisa: “Dawan mita upla nani ra ai bîla kum blikan bara mairin nani manis upla ra smalkan” (Lawana nani 68:11, La Biblia de las Américas).

Jehova witnis mairin nani ba Baibil ra mairin kasakkira daukanka painkira nani ba nina blikisa (Sins Lâka 31:10-​31). Kangrigisan bilara mairin nani ba tâ bri warkka ba daukras sa, ban sakuna liliakira smalkaia warkka ba tâ baiki banhwisa bara ai luhpia nani ra Baibil tânka ba smalkisa (Sins Lâka 1:8). Baku sin ai aisanka bara ai daukanka wal wala nani ra tânka pain marikisa (Taitus 2:​3-5).