Lisin 15

Wan walkara Gâd kupia laka daukaia help muni kap

Dia muni lan takisma ba dahra aisaia sma ki? (1)

Sturi yamni ba yaura smalkaia sip sma ki? (2)

Daukankam ba upla kupia ra dia munbia ki? (2)

Ahkia kangrigisankam wal smalki taukaia sip kama ki? (3)

1. Man pat Baibil wina diara yamni ailal lan takram sa. Naha tanka brisma ba kupiam bukbia kristian daukanka painkira kum pakaia (Epesus 4:22-24). Baha purkara sin, raya ban kaia laka briaia dukyara Baibil tanka ba nit sma (Jan 17:3). Sakuna, walkam ba sin swakwi takbia dukyara sturi yamni ba walaia sa. Kristian rait aihwa nani sut ba smalkaia sa. Gâd lâka kum sa (Rom 10:10; 1 Korint 9:16; 1 Timoti 4:16).

2. Taura dia lan takisma ba lamam uplika ra wis. Pamalikam ra, kul ra bara wark pamnika nani ra aisas. Kupia painkira bara praut apu laka wal aisas (2 Timoti 2:24, 25). Amya tikpara, upla ba wan daukanka kau kaikisa, yawan dia aisi ba wal. Baha mita, daukankam yamni ba walkamra kupia bukbia dia smalkisma ba walbia (Matyu 5:16; 1 Pita 3:1, 2, 16).

3. Pyu lui bara, ban kra makabanka nani aitani daukma bara Jehova Witnis kangrigisanka asla aidrubisma ba wal smalki taukma. Naha na tamra pawanka kum sa (Matyu 24:14). Nahki lilia pali kabia man mita upla kum ra help muni, Jehova napakanka takbia bara baku raya ban kaia laka bribia! (1 Tesalonaika 2:19, 20.)