Lisin 16

Gâd dukya daukaia lukanka brisma ba

Gâd panika kaia kaka dia daukaia sma ki? (1, 2)

Nahki rayakam ba Gâd ra yabaia sma ki? (1)

Ahkia lika aihtabi takaia sma ki? (2)

Nahki muni Gâd ra kasak kaia karnika ba sakma? (3)

1. Gâd panika kaia kaka Baibil tanka kasak ba pain kakaira takaia sma (1 Timoti 2:3, 4), dia lan takram ba ra kasak lukaia (Hibru nani 11:6), saurkam nani ba wina kupiam lakaia (Wark nani 17:30, 31), bara kainara daukankam kan ba wina tauaia (Wark nani 3:19). Baha wina Gâd ra latwan kaikisma ba mita kupiam bukaia sa witin ra rayakam ba yabaia. Tanka ba sika, man yakan, silp puram sunra kum bak, Gâd ra wisma rayakam aiska ba witin kupia laka daukaia dukyara yabisma (Matyu 16:24; 22:37).

2. Baibil stadi taki Gâd ra rayakam yabram ningkara lika, aihtabi takaia sma (Matyu 28:19, 20). Jehova ra rayakam yabram ba, aihtabi taki bara, upla ra param marikisma. Baha mita, tuktan sirpi lupia Gâd dukya daukaia tanka aitani apu ba aihtabi takaia apia sa. Upla kum aihtabi takisa pyua ra, pyu kunhku kum ai wîna aiska li bilara rungwan kaia saa (Mark 1:9, 10; Wark nani 8:36).

3. Man pat rayakam yabram pyua ra, Jehova bila kaikisa man pramis daukram ba kat alki brih daukma (Lawana 50:14; Smasmalkra 5:4, 5). Debil ba trai kaikbia Jehova ra mayunisma ba swima (1 Pita 5:8). Sakuna pura sunra bak Gâd lamara was (Pilipai 4:6, 7). Yu bani Baibil ba stadi taks (Lawana 1:1-3). Kangrigisan ba wal asla bas (Hibru nani 13:17). Naha sut daukma kaka lika, Gâd ra kasak kaia dukyara karnika sakma. Bara sip kama Gâd dia mai makabi ba ban kaiara daukaia!

[Wahia mina ulbanka]