Lawana 75

Diara ailal tawan lilia kap

(Matyu 5:12)

1. Lilia wan dauki diara nani,

uba sin ailal bara sa.

Tasba sut ra pliki wahbisa

Gâd tara kulki nani ra.

Wan liliaka karna bapan sa,

kan ai playa Baibil ra sa.

Gâd smalkanka sut brih wapisa;

Ai lâka wali daukisa.

Liliaka na prak alki brisa,

wan kupia kat saban bamna.

Trabil nani bal takbia kra sin,

Jehova ra tniwi bangwsa.

(KLI AIWANANKA)

Jehova wan liliaka sa,

Ai daukanka laik kaikisa.

Rait sinskira sa, rait karnakira,

pura luan yamni man sa!

2. Heven, tasba, kabu sut kaiki,

kau pain dupali apu sa!

Buk kwawan lan wan dauki baku,

paskanka bak lan takisa.

Nanara yawan witnis takan,

Gâd Kingka laka smalkisa.

King laka ba pat aimakan sa,

blisin wan munbia sin wisa.

Tihmia wina ingni baiwisa,

sim sat lilia tara aula.

Heven bara tasba raya ba,

lilia wankbia ban kaiara.

(KLI AIWANANKA)

Jehova wan liliaka sa,

Ai daukanka laik kaikisa.

Rait sinskira sa, rait karnakira,

pura luan yamni man sa!

(K.smal 16:15; Ais. 12:6; Jan 15:11 ba sin kaiks.)