LAWANA 111
Wan liliaka tânka ba
(Matiu 5:12)
1. Wan liliaka ba ailal pâwi,
sim walpa klauhira baku.
Kan nisan sâtka tila wina
asla Gâd ra mayunisa.
Wan liliaka ba rait bapan sa,
kan Baibil ra playa brisa.
Ulbanka nani wan tâ brisa,
yu bani lan wan daukisa.
Wan liliaka dutki pali sa,
wan kupia munhta pali kat.
Trai kaikan ailal balbia kra sin,
Jehova wan kaina kahbia.
(KLI AIWANANKA)
¡Nahki lilia sa, Jehova!
Man warkkam ba dauki kaia.
Sinskira pali, latwankira sin,
bara karnakira pali.
2. Paskanka nani prana kaiki,
kasbrika, tasba, kabu sin,
mihtam warkka yawan kaikisa,
buk kum ilingkan baku sa.
Yawan pura luan lâka wal
Gâd Kingka Lâka smalkisa.
Nisan sut ra yawan brih wisa,
Kingka Lâka sturka yamni.
Yu bani ingni taki baku
isti blisin ailal bribia,
Heven bara tasba na ra sin
Gâd pramiska ba aimakbia.
(KLI AIWANANKA)
¡Nahki lilia sa, Jehova!
Man warkkam ba dauki kaia.
Sinskira pali, latwankira sin,
bara karnakira pali.
(Kli S. 16:15; Ais. 12:6; Jan 15:11 ba sin kaiks).