¿Paradais ra upla ba nahki iwi kan?

Jehova Adam Iv wal ra diara pain manis yaban (Blasi Sturka 1:28)

Mairin pas Jehova bui paskan ba Iv, bara Adam ra yaban ai maritka kabia (Blasi Sturka 2:21, 22).

Jehova witin nani ra saurka luha paskan, baha mita ai wîna tara bara ai sinska ba kasak pali kan.

Witin nani Eden giadinka ra iwi kan, bahara paradais kum painkira kan, awala kum bâra kan, baku sin dus ailal bara daiwan nani sin.

Jehova witin nani wal sturi aisi kan bara diara tânka ailal smalki kan. Witin nani Gâd bîla walan kata ban kaia ra iwi kaia kan.

Gâd witin nani ra win giadin bilara dus mâ kum ba wina pibia apia (Blasi Sturka 2:16, 17)

Jehova Adam Iv wal ra win giadinka dusa mâ nani tila wina kum ba pibia apia. Pibia kaka prubia win.

Insal kum Gâd mapara buan. Naha insalka saura ba Sitan Dibil.

Sitan want apia kan Adam Iv wal ba Gâd bîla walbia. Baha mita piuta kum yus munan Iv ra wiaia baha dusa mâ ba wina pibia kaka, prubia apia, sakuna Gâd baku kabia. ¡Baha ba kunin kum kan! (Blasi Sturka 3:1-5.)