PÎSKA 4

Witin nani Sitan bîla walan mita, ¿dîa takan?

Adam Iv wal Gâd bîla walras kan mita pruan (Blasi Sturka 3:6, 23)

Iv dusa mâ piaia apia kata pisa bara Adam ra brisi yabisa

Iv ba piuta bîla walan bara dus mâ ba pin. Baha wina Adam ra sin yaban, bara witin pin.

Adam Iv wal ai pliska pali wina takisa, baha sika Paradais

Witin nani baha daukan ba saurka lâka kan. Baha mita Gâd witin nani paradais wina kangbi sakan.

Adam Iv wal bara ai luhpia sut mapara rayaka ba karna kan. Piua nani luan ningkara almuk taki pruan. Witin nani heven ra waras kan, plis kumi ra sin waras; wibia kaka ai rayaka ba âpu takan.

Upla pruya taim tasba yuya takisa (Blasi Sturka 3:19)

Upla kiamka sat sat wina bâra sa piua manka sat sat ra

Yawan sut Adam Iv kiamka sa, baha mita pruisa. Upla pruan nani ba sip diara kaikras, bara sturi sin walras, baku sin diara wala daukras (Smasmalkra 9:5, 10).

Tiara kum pruan baha mita ai pamalika inisa

Jehova ai brinka apia kan upla nani ba prubia. Kaina piua ra Witin upla pruan nani ba bukbia. Bara ya ya Gâd bîla walbia kaka, ban kaia ra iwbia.