PÎSKA 9

¿Tasba na ahkia paradais kum kabia?

Naiwa piua ra trabilka nani bâra ba wan marikisa Gâd Kingka lâka tisku pali balbia (Luk 21:10, 11; 2 Timoti 3:1-5)

Trabil nani nawas las tnata piua ra taki ba: lalah tâwan pulisa, war nani, siknis nani, plun wahwanka nani, aisa yapti nani bîla walras nani, utla bilara rau munan lâka

Baibil ba kaina manas wina aisan naha tasba ra dîa taki ba dukiara. Baku sin win upla nani ba lalah ra latwan kaikbia, ai aisa yapti nani bîla walbia apia, prautkira nani kabia, ai brinka nani baman daukbia.

Baibil sin win naika piua ra tasba nikbanka nani, war aiklabanka, plun wahwanka, bara siknis wala nani sin bâra kabia. Baha sut naiwa piua ra tnata aimakisa.

Jehova witnis kum Kingka lâka sturka yamni waitna kum ra smalkisa

Jisas win Gâd Kingka lâka sturka ba tasba aiska ra smalkan kabia (Matiu 24:14).

Gâd Kingka lâka ba diara saura nani sut sauhki tikbia (2 Pita 3:13)

Armagedan ra saura dadaukra nani ra sauhki tikisa ba wina Sitan bara lasa nani ra klala yabisa

Jehova tisku pali upla saura nani ra sauhki tikbia.

Sitan bara lasa nani ba priski swin kabia.

Jisas ba ai iwaika pranakira ra iwisa hibin ra, kiamka nani sut lilia takisa

Ya nani Gâd bîla walbia kaka, tasba raya ra iwbia, bahara sibrin lâka âpu kabia, yawan upla sut pana pana latwan kaikbia bara kasak lukbia.