¿Baibil ba dukiara dîa lukisma?
¿Man lukisma...
... upla sinskira nani bukka kum sa?
... kisi bara sturi nani bukka kum sa?
... Gâd Bîla sa?
¿BAIBIL BA DÎA SMALKISA?
“Ulbanka aiska ba Gâd wingka puhbra mita sika.” (2 Timoti 3:16, Dawan Bîla.)
¿DÎA YAMNIKA BRISA?
Wan rayaka aiska ra makabi walanka dukiara ansika pain nani brisa (Sins Lâka 2:1-5).
Wan rayaka ra nahki iwaia dukiara hilp wan munisa (Lawana 119:105).
Kaina piua dukiara bîla kaikanka wankisa (Roman 15:4).
¿BAIBIL DÎA SMALKI BA KASAK LUKAIA SIP SA KI?
Âu, natka yumhpa bâra sa:
Tânka aiska ba asla sa. Baibil ba 1.600 manka bilara waitna 40 mita ulban. Âiulbra aihkika ba pana pana kakaira takras kan. Sakuna, Baibil ulbanka aiska ba asla sa bara sim tânka dukiara aisisa.
Sturi ba kasak kât ulban sa. Sturi âiulbra nani ba ai uplika mistikka nani ba ulbras. Sakuna, Baibil âiulbra nani ba ai mistikka bara ai uplika saura daukan ba sut ulban (2 Kronikas 36:15, 16; Lawana 51:1-4).
Prapit dahra aisanka sut aimakan. Babilon sauhki tikanka ba dukiara Baibil ra 200 mani kainara ulban kan (Aiseya 13:17-22). ¡Bara nahki sauhki tikan kabia ba baman wiras, sakuna ya bui daukbia nina ba win! (Aiseya 45:1-3.)
Prapit dahra aisanka wala nani ba sin sitnika kat aimakan. ¡Param sa naha ba Gâd Bîla sa! (2 Pita 1:21.)
LUKI KAIKS
¿Baibil ba nahki rayakira hilp ai munaia sip sa?
Baibil ansika ba AISEYA 48:17, 18 bara 2 TIMOTI 3:16, 17 ra takisa.