¿Ya rait pali tasba aiska ba ai karnika mununhtara brisa?

¿BAIBIL BA DÎA SMALKISA?

“Tasba aiska na lika Sitan karnika mununhtara sa.” (1 Jan 5:19.)

“Gâd Luhpia balan ba lika, dibil warkka ba sut âpu daukaia dukiara.” (1 Jan 3:8, Dawan Bîla.)

¿DÎA YAMNIKA BRISA?

Tasba aiska ra trabil ailal taki ba dukiara yawan tânka kasak brisa (Param Marikanka 12:12).

Yawan kasak lukaia sip sa naha tasba trabilka nani ba wapni takbia (1 Jan 2:17).

¿BAIBIL DÎA SMALKI BA KASAK LUKAIA SIP SA KI?

Âu, natka yumhpa bâra sa:

• Sitan karnika ba sauhki tikanka ra auya sa. Jehova ai brinka pali sa Sitan karnika ba tnata mangkaia. Witin pramis munisa ‘Dibil ra sauhki tikaia,’ bara dîa saura daukan ba sut diki sâkbia (Hibru Nani 2:14).

• Gâd Jisas ra wahbi sakan tasba aiska gabamintka kabia dukiara. Jisas ba sât wala sa naha tasba aiska wihtka saurakira ba wal. Jisas gabamintka dukiara Gâd pramis munisa: ‘Bawikira nani ra ai kupia swapni bribia, bara umpira nani ra swaki sakan kabia. Bara taiban lâka ra saura muni nani ba mihta wina sin pri sakan kabia’ (Lawana 72:13, 14).

• Gâd ba kunin luha sa. Baibil ra wisa: “Gâd sip kunin aisaras sa” (Hibru Nani 6:18). ¡Jehova diara kum pramis munisa taim, pat daukan baku pitka sa! (Aiseya 55:10, 11.) “Tasba wihtka tara aimaki ba sin latara lulkan kabia.” (Jan 12:31.)