Pîska 8 tâ krikanka

Tempel paskaia warkka ba king Salaman mihta ra mangki sins lâka ailal yabi, Jehova yamni munan. Kuna witin Gâd wina tawa tawa laihura takan. Man luhpiam ra, tânka wis upla nani gâd bahki mayuni kan ba mita Jehova wina Salaman ra laihura sakan. Aidul mayunaia bara Gâd lâka swiaia ba king saura nani mita upla nani ra brih wan, bara king lâka ba tar baiwan. Ba piua ra, Jehova ra kasak kan prapitka ailal ra nina bliki ikan. Kwin Jezabel saurka mita, Gâd lâka swiaia ba yahbra tani kingka lâka ra kau tara takan. Piua saura kum kan Israel sturka luan ba ra. Kuna, prapit Elías bara king Jehosafat baku, Israel uplika ailal bâra kan kasak lâka ra Jehova dukia dauki kan ba.