LAWANA 82
Wan ingnika ba yabi kap
(Matiu 5:16)
1. Wan ingnika yabia
Jisas wan wisa,
yu ingwi ba baku
yawan sim daukbia.
Baibil tânka nani
yawan aisisa,
baku yawan ingwisa
upla ra smalki.
2. Gâd ai Kingka Lâka
yawan smalkisa,
wan warkka ba yamni
ingni baku sa.
Upla sut ra smalki
ingni briaisa,
baku kasak tânka ba
alki bri banhbia.
3. Tihmu lâka ba ra
yawan ingwisa,
diara yamni aisi
ingni yabisa.
Yamni dauki ba ra
yawan ingwisa,
baku lika wan warkka
Gâd yamni kaikbia.
(Law. 119:130; Mt. 5:14, 15, 45; Kol. 4:6 ba sin kaiks).