SMALKANKA 03
¿Baibil dîa smalki ba yawan kasak lukaia sip sa?
Yawan Baibil ra pramis nani bara smalkanka nani manis sakaia sip sa. Baibil dîa smalki ba ban kra nu takaia want sma, kuna sim piua ra naku lukaia sip sma: “¿Buk almuk kum pramiska bara smalkanka nani ra kasak lukaia sip sna ki? Baibil ba wisa, naiwa piua ra bara naika piua ra sin yawan lilia iwbia, ¿kuna baha ra kasak lukaia sip sa ki?”. Yang nani kupiam buki banhwisna, man silp tânka pliki kaikma, dîa muni upla manis baha ra kasak lukisa sapa. Baku, man sin Baibil ra kasak lukaia sip kama.
1. ¿Patitara sturka Baibil aisi ba rait pali takan sa ki?
Baibil wisa “bîla tânka aisinka nani ba kat kasak” ulban sa (Smasmalkra 12:10). Baha ra upla nani, bara dîa takan ba rait sturka aisisa (Luk 1:1-3 bara 3:1, 2 aisi kaikma). Baibil ba patitara sturka aisisa taim, upla nina, pliska nani bara ahkia takan ba, dîa ba kat klir ulbi mangkan sa.
2. ¿Buk almuk kum kabia sin dîa muni yawan Baibil ra kasak lukaia sip sa ki?
Patitara piua wina, Baibil ba upla manis mapara buk tihu kum sa. Wibia sa kaka, Baibil ba paskanka tânka tihu nani dukiara aisisa. Baibil ulban piua ra, paskanka dukiara upla manis ba lukanka sât sât bri kan, sakuna naiwa piua ra paskanka tânka pliki kakaira nani wisa, Baibil ra dîa ulban ba kasak sa. Ai Ulbanka ba “bapi buisa ban kaia ra, kasak lâka kat daukan sa” (Lawana Nani 111:8).
3. ¿Naika piua dukiara Baibil dîa aisi ba dîa muni yawan kasak lukaia sip sa ki?
Baibil ba “diara nani kau daukras kan ba dukiara” dahra aisisaa (Aiseya 46:10). Diara nani kau takras kan ba dukiara, Baibil ba kaina manis wina aisan. Baha purkara, naiwa piua ra naha tasba ra dîa taki ba dukiara sitnika kat aisisa. Naha smalkanka ra Baibil prapit aisanka kum kum laki kaikbia, bara nahki aimakan ba kaiki tâ iwma.
KAU LAN TAKS
Kaisa kaikaia, paskanka dukiara upla nani tânka laki kaikan ba wihki, nahki Baibil dîa aisi ba wal asla sa. Bara prapit dahra aisanka tânka tara bri ba kum kum laki kaikbia.
4. Paskanka dukiara upla nani tânka laki kaikan ba wihki Baibil dîa aisi ba wal asla sa
Patitara piua ra upla ailal luki kan, tasba na diara kum purara bapi swin sa. LILKA ba kaikma.
3.500 mani luan ra, Job bukka ra dîa ulban ba kaiks. Job 26:7 aisi kaikma, bara naha dukiara aisi banhma:
Baibil ba smalkisa “tasba ba ban pami swin sa, diara âpu ba purara”. ¿Dîa muni naha smalkanka ba aihka painkira sa ki?
Lî auhisa taim laya ba iswi, awala nani bara kabu ra wisa. Ba wina kasbrika ra uli, kli auhisa. Upla nani ba 200 mani nani baman luan ra, baha tânka pain brin. Sakuna Baibil ba mani tausin nani luan ra baha tânka dukiara pat aisan kan. Smasmalkra 1:7 aisi kaikma, bara naha dukiara aisi banhma:
¿Baibil lî auhaia tânka isi mariki ba dukiara man dîa lukisma?
¿Bisiura tikska aisi kaikram ba Baibil ra kau kasak lukaia hilp mai munisa ki?
5. Baibil ba kaina manis wina diara tara nani takbia dahra aisan
Aiseya 44:27-45:2 aisi kaikma, bara naha dukiara aisi banhma:
Babilon tawanka ra kau pura luras 200 mani kainara, ¿Baibil ba dîa dahra sitnika kat aisan?
Piua luan sturka ba param marikisa, 539 manka yawan piua nina ra, Persia kingka kum nina Ciro wi ba, ai suldiar daknika wal Babilon tawanka ba pura lui banhwan. Pas ba tawanka kaina kahbi kan awalka ba salhki, tnaya ra lakan. Ba wina tawan durka ba kwâkan kan bamna, witin nani aiklabraskira dimi pura luaia sip kan. Baha ba takan pat 2.500 mani nani luan sa, bara Babilon ba naiwa kat sauhkan pliska ban sa. Nanara kaiks, Baibil dîa dahra aisan kan ba.
Aiseya 13:19, 20 aisi kaikma, bara naha dukiara aisi banhma:
¿Naha prapit aisanka ba nahki aimakan?
Irak tasbaya ra Babilon tawanka sauhki tikan ba
6. Baibil ba naiwa piua ra dîa taki ba dukiara pat kaina manis wina aisan
Baibil ba naiwa piua dukiara aisisa taim, “tnata yua nani” nina mâkisa (2 Timoti 3:1). Yawan iwi piua dukiara Baibil dîa aisan ba kaiks.
Matiu 24:6, 7 aisi kaikma, bara naha dukiara aisi banhma:
¿Tnata yua nani dukiara Baibil ba dîa wisa?
2 Timoti 3:1-5 aisi kaikma, bara naha dukiara aisi banhma:
Baibil aisan baku, ¿tnata yua nani ra upla nani ba dîa daukanka nani bri kabia?
Upla daukanka nani dukiara tikska aisi ba wina, ¿tawankam ra ani ba kaikisma ki?
UPLA KUM KUM NAKU LUKISA: “Baibil ba kisi sturka nani baman ulban sa”.
¿Dîa muni Baibil dîa wi ba sut kasak lukaia sip sa lukisma?
DÎA LAN TAKRAM
Piua luan sturka nani, paskanka tânka dukiara upla dîa laki kaikan ba, bara prapit dahra aisanka nani ba marikisa, yawan Baibil ra kasak lukaia sip ba.
Wan kupia krawaia
¿Baibil ra dîa ulban ba rait pali takan sturka nani sa ki, apia kaka kisi sturka nani sa ki?
¿Paskanka dukiara upla nani tânka laki kaikan ba wihki Baibil dîa aisi ba wal nahki asla sa ki?
¿Baibil naika piua dukiara dîa aisi ba kasak lukisma ki, bara dîa muni?
KAU PLIKI KAIKS
Paskanka tânka laki kaiki nani mapara, ¿Baibil dîa aisi ba kasak sa ki?
¿Dîa ba marikisa yawan “tnata yua nani ra” iwi ba?
“Prapit dahra aisanka 6 ba aimakisa” (La Atalaya mayo 1, 2011)
Grik kingka lâka dukiara Baibil prapit aisanka nahki aimakan ba lan taks.
Prapit aisan bîla nani ba yawan nani ra karnika wankisa (5:22)
Waitna kum Baibil prapit aisanka nani laki kaikan taim, Baibil dukiara dîa luki kan ba nahki chens takan ba kaiks.
a Baibil prapit aisanka nani ba, naika piua dukiara Gâd wina maisa pakanka nani sa.