Jisas Pruan Kupia Kraukanka ba dukyara Smalkanka Tara kum!
1. Manka na ra Marzo 21 ba wina tasba aiskara King laka Smalki Tataukra nani sut ba dia daukbia ki, bara dia muni?
1 Manka na ra Tausdi Abril 9 ba, tasba aiskara Jehova Gâd ra mayuni nani ba sut aidrubi, witin latwan kau tara wan kaikan ba ra luki kaiki kabia (Rom 5:6-8). Aman luki sin kaikisa upla wala milian milian bal, yawan bakahnu Jisas pruan ba kupia kraukaisa. Bahamna, paiwaia wauhkataya prana kum upla ra yabaisa. Paiwanka na Marzo 21 ba wina tasba aiskara yakabaisa.
2. Paiwaia wauhkataya ba yabuma taim dia ba amya lap tiwaia apia sa?
2 Amya Lap Tiwbiara. Paiwanka ra makabi walanka nani, Baibil tikska nani, bara lilka nani sin taki ba kasak pain yus muns. Ban kra man sip kama paiwanka taya ra lilkika ba upla ra mariki wiaia: “Man ba, yang nani aikuki Abril 9 Tausdi yua ba, Jisas pruan wan kupia kraukaia dukyara mai paiwi bangwisna”. Ba’wina, ulbanka lalka ba wihki makabi walanka nani taki ba sin aisi kais. Amya ra bris watla dawanka ra wiaia ai taya nani, bara ya ya witin paiwaia want ba sin yamni balan kabia.
3. Nahki muni upla paiwram ba ra ban luki kaia sip sma?
3 Kangrigisankam ba plis ailal smalkisa kaka, almuk nani ba ban kra wibia upla apu kan watla nani ra sin paiwanka kum ban swibia. Wik tnata ra sin, ulbi sakanka wala nani ba wal paiwanka kum swis. Trai muns upla wih kaikisma nani ra, Baibil stadikam nani ra, tamya nani ra, kul ra, warkkam ra, apia kaka wamtla lama uplika ra, bara kakairikam wala nani ra sin paiwaia. Mani luan ra lakri kum ai taya uplika 30 ra paiwi, yua na nahki tara sa kli kli sin kupia krauki kan. Tila wina an wan luki? Upla 25 wan, bara upla 4 Baibil stadi takaia wilin takan!
4. Dia dukyara naiwa wina ridi takaia sa ki, bara dia muni?
4 Mahka Ridi Taks. Smalki Tataukra ailal ba ridi takisa Marzo Abril ra sin kau smalkaia. Luhpiam kum, apia kaka Baibil stadikam kum pain ai taura auya sa kaka, aitani kabia pyua na ra kau aihtabi takras Smalki Tataukra takbia. Jehova Jisas wal latwan laka kau tara marikan tanka ba wan kupia kraukbia. Naiwa lika upla ra baha tanka nu munaia dukyara ridi takaia pyua sa (Jan 3:16; 15:13).