“Diara Sut Lika Sturi Yamni ba Tawan Daukisa”
1. King laka Smalki Tataukra kum ba dia daukaia wilin sa ki, bara dia muni?
1 Apastil Pâl ba ai dara walan sturi yamni smalkaia ba ai twilkanka pali kan (1 Kor. 9:16, 19, 23). Sim baku, ban kaiara upla yamnika ra luki ba mita wan nikbisa sturi yamni ba yuaia wisi kasak trai munaia.
2. Yawan smalkuya taim, dia daukaia wilin kaia sa ki, bara dia muni?
2 Anira, Ahkia Sin Upla bara ba ra Luki Wih Smalks. Inska aîalkra pain kum ba, ai kyulhka, apia kaka ai iliska ba anira, ahkia sin witin ra kau laik pliska ra lulkras, kuna inska ba anira, ahkia sin kau laik ba ra lika. Yawan sin “upla aîalkra” sa bamna, nit sa upla pliki sakaia sip wan munbia laka ra smalki warkka ba daukaia. Baku lika “inska sat sat alki” kau lilia wan dara walbia (Mat. 4:19; 13:47). Saiwan pat upla ai watla ra sa taim wih smalkaia sip sa ki? Apia kaka titan pali upla yabal ra auya bara witnis aisaia? Pâl ba kasak trai munan ‘sturka yamni upla ra witnis aisaia’ dukyara dia dia daukaia sip kan ba daukaia (W.n [Wark nani] 17:17; 20:20, 24).
3, 4. Smalki bara, dia tnatka ra yawan sat sat takisa, bara dia muni?
3 Sturi Smalkuma ba, Upla Walaia Nit ba kat Aisas. Inska satka kum alkaia lukisa kaka, inskika ra dia kau laik ba kat diara daukisa. Nahki muni daukbia King laka sturka ba wan tanira uplika ba laik kaikbia? Upla kau luki tauk’sa tanka kum aman aisisi, tanka ba dahra dia pana mai wibia sin kyamam pri tniki walaia sma (Jems 1:19). Dia luki ba makabi wali, dia ai kupia munuhtara bara ba sakbia (Sins.l 20:5). Naha laka ra, sturi yamni ba upla kupia kat sabia sat smalkaia trai munaia sa. Pâl ba upla sat sat ra diara sat sat ra takan (1 Kor. 9:22). Walaia nit ba smalki wiaia ba sika, upla kupia alkbia isa.
4 Sip kabia ba kat kau upla help munaia dukyara, yawan ‘diara sut lika sturi yamni ba tawan daukisa’ (1 Kor. 9:23, Lâ Raya Wauhkataya, 1986). Bara “lilia sturka nani” upla ra brihwaia ba dupali lilia wan sakisa! (Ais. 52:7.)