“Ban uya smalki bas!”
1. Dia Pâl aisan ba yawan aman lukaia sa ki?
1 “Sturi yamni ba [...] ban uya smalki bas.” (2 Tim. 4:2.) Pâl aisan ba, dia muni naiwa kau nit pali sa ki? Baku win ba wina, wan rayaka ra, bara upla wala rayaka ra sin dia munisa?
2. Dia muni sturi raya kau walras nani ra kasak plikaia sa ki?
2 Raya kaia dukya kum sa. Tasba aiska ra upla milian milian pri saki sturka raya kau wali bangwras sa (Rom 10:13-15; 1 Tim. 4:16). Naha nani kum kum ba kli kli smalki pliska nani ra sakisa. Yawan yua sat sat, apia kaka awar sat sat ra smalkisa kaka, upla sat sat sin sakbia. Yawan pulras smalkisa kaka, wan kupia dara walra klin kum bribia, bara upla talya pâtka apu kabia (W.n 20:26, Lâ Raya Wauhkataya, 1986).
3. Smalki tauki bara, nahki muni wan taimka pain yus munaia sip sa ki?
3 Karna pali witin nani mapara bui kan sakuna, pas kristianka nani ba ‘ai smalkanka ni Jerusalem ra bangkan’ (W.n 5:28). Yawan sin witin nani baku kasak “witnis sin aisaia” lukisa? (W.n 10:42.) Smalki tauki taim, wan taimka ba pain yus munisa ki? Diara kum tawan muihni-lakri kum ra yawan bila kaikisa kaka, yabal ra lui auya nani ra smalkaia trai kaikisa ki?
4. Ban uya smalkaia ba, aihwaki kaia dukyara nahki help wan munisa?
4 Kau aihwaki kaia. Na’ tasba saura tnatka ba tisku lubia ba mita, yawan kau aihwaki kaia nit sa (1 Tes. 5:1-6). King laka bila kaikanka bri ba dahra pat pat aisisa kaka, naha tasba brinka ba wan blakbia apia (Luk 21:34-36). Kau ni, Jehova “yua balaia ba bila kaiki”, swak takaia sip muni smalkanka ba brihwabia (2 Pi. 3:11, 12).
5. Upla rayaka ba kulki ba mita, smalkaia warkka ra dia daukaia wan kupia nikbaisa?
5 Yawan ban uya smalkuya taim, Jehova mita nahki upla rayaka kaiki ba kat yawan sin kaiki ba marikisa. Kan “Witin brin daukras upla kumi kra tanis tiwbia, kuna upla sut ai daukanka saura wina ai kupia lakbia” (2 Pi. 3:9; Isi. 33:11). Bahamna trai munpi, sip ba kat, yawan smalki ba tanira kau upla wal aisaia. Sut Jehova mayunra ba tawan! (Lawana 109:30.)