Smalki pyua ra pâna pain kum kamna ki?
1. Pâna kum wal smalki tauki kaia ba dia yamnika brisa ki?
1 Yu kum, Jisas ai disaipelka 70 ra “wal, wal ra saki” smalkaia blikan (Luk 10:1).a Param sa, witin nani smalki kan taim, pana pana help muni ai kupia buki kaia dukyara tnatka pain kum kan. Yawan smalki taukisa taim, wan pânika ra nahki help munaia sip sa?
2. Wan pânika aisi kabia taim, nahki bara dia muni yawan aman wali kaia sa ki?
2 Aman wali kaia. Pâmnika aisisa taim, aman wali bas (Jems 1:19). Witin tiks kum aisi kaikbia kaka, man sin Baibilkam wal aisi kaiks. Ya aisi kabia ba ra taui kaiks, watla dawan kabia, apia kaka pamnika kabia sin. Dia aisi bangwi ba ra aman walisma kaka, watla dawan ba sin aman wali kaia ai kupia bukbia.
3. Yawan ahkia taim aisabia ba wan pânika tingki lukbia ki?
3 Ahkia aisaia sa. Pâmnika aisisa taim, witin baman aisabia swiaia ba rispik laka marikisa (Rom 12:10). Wibia kaka, bila dakbaia apia. Pâmnika dia aisaia kan ba ai auya tikan kaka, apia kaka watla dawanka diara kum makabi walisa, bara wan panika help wan makabisa kaka, wan pahpaya dingki aisaia trai kaiki kap. Sakuna aman kaikaia lukanka wala dahra aisaia apia (Sins.l 16:23; Smas. 3:1, 7). Baku lika yawan dia aisi ba wan panika dia aisan ba ta baiki kabia (1 Kor. 14:8).
4. Smalkaia warkka ra dia ba lilia bara auyapah wan sakbia ki?
4 Disaipel 70 ba wal, wal ra smalki dan takan taim, “liliakira kli taui balan” (Luk 10:17). Pâna pain kum taki, aman wali, pyua kat aisabia kaka, smalki dan takbia taim yawan sin wan auyapah liliakira kli taui balbia.
[Wahya mina ulbanka ba]
a Baibil ulbanka almuk kum kum ra disaipel ‘70’ wisa, bara wala nani ra ‘72’ wisa.