Waupasa kati ra Baibil stadika nani ta krikaia!
1. Waupasa kati ra upla mihta ra, dia swibia ki?
1 Waupasa katka ra La Atalaya bara ¡Despertad! ka upla mihta ra swibia. Uplika ba tanka kasak brinka bri ba ban bri kabia dukyara Tanka Kasak Ba Nu Takan mai Daukisa ki? wauhkataya yabaia sip sa, bara Baibil stadika kum ta krikaia trai munaia sa. Pas trip upla ra wih kaikuya taim, naha ba, nahki daukaia sip sa ki?
2. Wauhkataya nani brin uplika ra kli wih kaikisa taim wauhkataya sirpi Tanka Kasak Ba yus muni, nahki Baibil stadika nani ta krikaia sa ki?
2 Wauhtaya sirpi ba yus muns: Nahki wiaia? “Wauhkataya nani mihtam ra swiri ba upla sut ra kupia bukisa Baibil ba laki kaikaia. [Tanka kasak ba wauhkataya watla dawanka ra yas, bara wahya pas makabi walanka ba dukyara aisas.] Naha wauhkataya ra makabi walanka pain bara sa, bara Baibil ba ansika yabisa. Pyu kum ra naha pat makabi walram sa?” Watla dawanka ba ansika maikbia ningkara, wauhkataya wina makabi walanka kum, witin wal laki kaiks, baha wina Baibil tikska kum aisi kaiks. Bara, uplika ra wis makabi walanka laki kaikan ba, Baibil tanka ailal tila wina kum sa, baha wina Smalkisa bukka yas. Bara, uplika ba baiki sakanka kum, Smalkisa bukka lalka wina saki brin ba laki kaikaia sip sa. Apia kaka, uplika wal dia aisi kan ba, bukka ra sapta wala dia wi ba laki kaikaia. Naha ra kupia kraukanka painkira kum kum mangkan sa:
● Rait pali Gâd ba man ra lukisa ki? (wah. 10-11, baiki.s 6-10)
● War, panis ba sin, yu kum apu kabia ki? (wah. 12, baiki.s 12-13)
● Yawan pruya taim dia wan takisa ki? (wah. 59-60, baiki.s 7-8)
● Pruan nani ba, bila kaikanka kum brisa ki? (wah. 71, baiki.s 13-15)
● Gâd ai walbia dukyara, nahki puri sunaia sna ki? (wah. 166-167, baiki.s 5-8)
● Nahki muni rayaki ba lilia kabia ki? (wah. 9, baiki.s 4-5)
3. Sanska takbia kaka, nahki wan aisanka tnatka raya daukaia sip sa ki?
3 Bara, pas trip upla ra smalkuya taim, Smalkisa bukka wal Baibil stadika kum sip ta krikras sma kaka, uplika wal aisi ahkia kli balma yua mangkaia sma, bara baku kli aisanka ba ta krikaia sip sma. Bara, uplika ba walan daukisa kaka, makabi walanka wala laki kaikaia sip sa, kau Smalkisa bukka laki kaikras ba ra. Waupasa katka ra Baibil stadika ta krikaia dukyara naha wauhkataya sirpi ba yus munaia sa, baku upla bauikira nani ba sip kabia “tanka kasak ba” lan takaia (Jan 8:31, 32).