Pyu bani ra yus muni bas
1. Tanka Kasak ba wauhkataya, dia dukyara yus munaia sip sa ki?
1 Tanka Kasak ba Nu Takan Mai Daukisa ki? wauhkataya ba Baibil stadika nani ta krikaia help wan munaia dukyara mangkan sa. Baku sin, tanka kasak ma ba smalki yakabaia dukyara, naha ba helpka tara kum sa (Smas. 11:6). Pain yus munaia dukyara, naha ra kupia kraukanka kum kum bara sa.
2. Aisanka kum ta krikaia dukyara, nahki muni Tanka Kasak ba wauhkataya yus munaia sip sa ki?
2 Nahki aisanka kum ta krikaia. Watla dawanka ra wauhkataya na yabia ningkara, wahya mawan ra makabi walanka 6 taki ba marikaia sip sa. Baha wina makabi walaia sa: “Naha makabi walanka nani wina, ani ba, man pat makabi walram sa ki?” Uplika ba aisi dan takbia ningkara, Baibil wina ansika kum witin wal laki kaiks, baha wina tiks kum aisi kaikbia. Wauhkataya nina tani ba aisi kaikbia ningkara, Smalkisa bukka ba yabaia sa. Bara uplika ba bukka brin daukras kabia sin, wauhkataya sirpi ba pat ai mihta ra swiram sa, ban kra tanka kasak ma ba yu kum ai kupia ra pawbia (Mat. 13:23).
3. Watla dawanka ba taim apu sa kaka, yawan dia daukaia sip sa ki?
3 Watla dawanka taim apu sa kaka. Sip sa wiaia: “Na minit sanska pain sa kaka, yang naha wauhkataya maikaia want sna. Naha ra makabi walanka 6 bara sa, bara Baibil wina ansika nani sin brisa. Yawan wal kli aisabia taim, ai wis nahki kaikram ba”.
4. Yawan yabal ra smalkisa pyua ra, nahki tnatka ra Tanka Kasak ba wauhkataya upla ra yabaia sip sa ki?
4 Yawan yabal ra smalkisa pyua ra. Sip sa wiaia: “Naksa. Man naha makabi walanka nani ba pat daukram sa ki? [Ansika maikbia swis.] Naha wauhkataya sirpi ra ansika painkira nani Baibil ra ulban ba takisa”. Uplika ba isti taukras sa kaka, witin wal ansika kum laki kaikaia sip sa, bara Smalkisa bukka ba yabaia.
5. Utla ra upla apu sa kaka, nahki tnatka ra Tanka Kasak ba wauhkataya yus munaia sa ki?
5 Utla ra upla apu sa kaka. Smalkaia pliska kum kum ra, muihni lakri nani ba watla dawanka ba apu sa taim ulbi sakanka nani swisa. Naha ba wan kangrigisanka ra daukisa kaka, Tanka Kasak ba wauhkataya swiaia sip sa. Bara kli balbia taim wiaia: “Pyu luan ra yang nani nara balri taim, man apu kapram, baha mita wauhkataya kum swiri. Bara, naha makabi walanka nani wina, ani ba aimakbia want sma ki?”.
6. Dia muni Tanka Kasak ba wauhkataya helpka tara kum sa?
6 Wauhkataya Tanka kasak ba tnatka isi bara param smalkisa. Upla daukanka tnatka bara rilidian nani sut dukyara sa. Baku sin, upla ra yabaia isi sa, wahma tyara nani bara smalki tataukra raya nani ba sin baku daukaia sip sa. Bara man, pat pyu bani ra yus munisma ki?