Nu Takan Daukisa

◼ Baibil stadi tatakra kum spirit laka ra pawi auya ba wal, pyu an stadi takaia sa?

Upla kum spirit laka ra pawisa taim kau pain sa Baibil stadika ban yabi kaia bara buk wal dan takaia: Rait pali Baibil ba Dia Smalkisa ki? bukka bara “Gâd Latwanka laka ra ban bas”. Stadi tatakra ba bukka wal na dan takras aihtabi takbia sin, baku daukaia sa. Bara stadika yabisma awarka, bara wauhkataya nani swisma ba ban kulkaia sip sma. Bara smalki tataukra wala wan yula kahbi, stadika yabaia help munisa kaka, naha sin awarka nani ba kulkaia sip sa. (Kakamuk kati 2009 Gâd Warkka Dauki wauhkataya, wahya 2 ba laki kaiks.)

Pain kabia stadi tatakra kum spirit laka ra pawi auya ba tanka kasak ba pain ai tanka bribia, baku selp ai rayaka brih waia sip kabia. Kraist tanka bara ai lukanka ‘mangki bribia’ bara ‘kasak lukan laka ra karna kabia’ baku witin nani trabil nani bribia pyua ra karna bapi buaia sip kabia (Kol. 2:6, 7; 2 Ti. 3:12; 1 Pi. 5:8, 9). Baku sin witin nani upla nani ra pain smalkbia dukyara tanka kasak ba pain nu kaia sa (1 Ti. 2:4). Stadi tatakra ba bukka satka wal lan takan sa kaka, witin nani ra help munisa ‘raya kaia ra auya durka yabalka bak’ sîbrin apukira impakaia (Mt. 7:14).

Kangrigisan almukka nani ba upla kum ra tahbi daukras kaina ra aman kaikisa uplika ba Baibil tanka pain brih ai rayaka ra praptis munisa sapa. Stadi tatakra kum bukka kum ba dan takras kaka, naha nani wal aman pali laki kaikaia sa. Ani uplika tahbi daukaia ridi apia sa kaka, almuk nani ba laki kaikbia naha uplika ra help munaia, baku naha pyu wala ra aihtabi takaia sip kabia (Was, Disaipel nani Dauks, Tahbi Sin Dauki Bangws wauhkataya, wahya 58 wina 60 ba kat laki kaiks.)

[Wahya 2 Lilkika ba]

Pain kabia stadi tatakra kum spirit laka ra pawi auya ba tanka kasak ba pain ai tanka bribia