Los testigos de Jehová: organizados para predicar las buenas nuevas lilkika ba

Jehova Witniska nani ba 100 mani pura sturi yamni ba upla nani ra smalkisa. Naha warkka ba tasba aiska ra dauki aula ba mita, yawan dîa smalki ba 100 pura bîla sât sât ra smalkisa. Baku sin 230 pura kuntrika nani ra smalkisa (Mt. 24:14). ¿Dîa muni smalkaia warkka ba daukaia aitani sa? ¿Nahki natka ra tasba aiska ra daukbia ki? Los testigos de Jehová: organizados para predicar las buenas nuevas lilkika ba wan marikisa nahki tasba aiska ra naha warkka natka sât sât ra dauki aula ba. Naha lilkika kaikma ningkara naha makabi walanka nani ansika yas.

¿Dîa natka ra naha lilkika ba hilp mai munan sa kau pain kaikaia 1) Jehova asla takanka ba smalkaia dukiara nahki trai kaiki ba? (2 Ti. 4:2.) 2) tasba aiska ra Betel apiska ra wark taki ba uplika nani ra? 3) misan uplika bara impaki pura kakaira nani ra skulka dauki ba? (2 Ti. 2:2.) 4) yu bani ra Baibil tikska kum laki kaikaia bara wik bani aidrubanka nani ra dîa aisabia ba kaina manis ridi takaia? (Ap.St 17:11.) 5) aidrubanka nani ra piu bani kaia ba wina yamnika saki ba? (Hib. 10:24, 25.) 6) naha tasba paradais kum takbia taim dîa yamnika bribia ba? (Ais. 11:9.) 7) insla mâ krikaia yamnika bri ba? (Jn. 4:35.)

Naha lilkika ba kasak hilp wan munisa upla nani walan dauki ba ra marikaia nahki Jehova Witniska nani ba tasba aiska ra wark taki ba. 8) Yawan wal Baibil stadi taki ba, wan pamalika bara kakairika nani ra, ¿ahkia piua ra marikaia pain kabia lukisma? 9) Lilkika kaikan uplika nani ba, ¿dîa win?

Naiwa piua ra Jehova dîa dauki aula ba ra luki, lawana aîulbra ba dîa aisan ba wal yawan sin baku lukbia: ‘Jehova, yang Gâdki, man warkkam aihkakira nani daukram ba ailal pali sa, yang nani dukira sin man luki kaiki sma ba; upla wala âpu sa, man wal praki kaikaia’ (Law. 40:5). Baha mita, ¡upla nani ba Jehova bara ai asla takanka ra kulkanka tara yabia dukiara, naha lilkika ba yus munbia!