Lilka raya kum hilp wan munbia Baibil stadika nani tâ krikaia
Upla manis ba jw.org pliska ra lilka prahni kum lalka “¿Por qué estudiar la Biblia?” ba kaikan sa. Naha lilkika ba upla ba mana luha Baibil stadika kum briaia kupia bukaia dukiara paskan sa. Kaikaia sip kabia “Solicite un curso bíblico” ulbanka pura ra taibi. Naha ba wahia mina tâ pali ba ra sa, apia kaka código QR (naha ba kau isti dimaia natka kum sa) ba lilka kum alkbia taim kaikbia. Naha código ba wauhkataya sirpi nani raya takan ba ra wahia tnata ra takisa. Nahki naha lilkika ba yus munaia sip ba natka laki kaikbia.
Uplika ra wih kaikbia taim, wiaia sip sa: “¿Lilkika kum kaikaia want sma, bahara tânka marikisa nahki yawan sip sa ansika briaia wan rayaka ra makabi walanka ailal bri ba dukiara?”. Uplika ba âu wibia kaka, Internet ra dimaia sip masinka kum brih taukisa kaka bahara marikbia, apia kaka silp uplika computadora bri ba ra marikbia.
Ban wina smalkaia warkka apia kaka upla ailal bâra sa pliska nani ra smalkbia taim, wauhkataya sirpi raya nani ba upla kum ra yabia kaka, código QR ba uplika ra marikaia sip sa bara wiaia ai masinka wal lilka kum alkbia. Apia kaka wan masinka brih tauki ba wal lilkika marikbia, kan naha código QR ba internet wan pliska ra lilkika bâra ba kat digkisa bara bîla aisanka sât sât ra sa.
Natka wala bâra sa naha lilkika yus munaia dukiara, wan pamalika, kakaira nani bara skul pânika nani wal lilkika ba dukiara aisaia. Baha wina marikaia sip sa. Baku sin, correo electrónico kum bak apia kaka lilkika kat dimaia dukiara, dairiksanka kum blikaia sip sa witin nani silp kaikbia dukiara.
Naha hilpka raya ba pain yus munbia kaka, Baibil stadika raya nani tâ krikaia sip kabia bara spirit lâka ra hilpka tara kum yabaia ya ya “raya ban kaia lâka briaia” brinka bri nani ra (Ap.St 13:48).