¿Ulbi sakanka nani ba pain sa?

Aitani sa yawan silp naha makabi walaia ulbi sakanka nani kau upla mihta ra swiras kainara. Pat ulbi sakanka nani ba kalwan, uba almuk, apia kaka tâski sa, pain laki kaikaia sa, baku daukras kaka upla nani ba smalkanka yamni dukiara saura aisaia sip sa. Bara baku sin Jehova asla takanka tara ba nina sauhkbia.

¿Dîa muni aitani sa ulbi sakanka nani brih tauki ba pain kabia? Upla kum kum mapara isi sa ai sakbatka ra ulbi sakanka tara bara sirpi nani ba wapni mangkaia. Sampla baku, witin nani ai sakbatka ba ra buk nani mangkaia pliska kum brisa, bara pliska wala ba ra wauhkataya tara, La Atalaya bara ¡Despertad!, baku sin wauhkataya sirpi nani mangkisa. Yawan smalki danh takbia ningkara, Baibil bara ulbi sakanka nani ba pain main kaiki ai pliska kat mangki bribia. Smalki tataukra kum kum ba ulbi sakanka nani mangkaia pliska plastik wal paskan ba brisa bara bahara mangkisa. Ani natka nani yus muni kabia sin, aman kaikbia ulbi sakanka nani upla mihta ra swi ba yaka upla nani ba smalkaia warkka dauki ba nina sauhkbiara (2 Ko. 6:3).