Nu Takan Daukisa

◼ ¿Yaura aitani kabia wan ulbi sakanka nani swiaia?

Uplika ba kau walaia ai brinka brisa kaka wan ulbi sakanka nani yabaia sip sa, sampla baku wauhkataya nani ba, apia kaka wauhtaya tara kum, baku sin buk kum yabaia sip kabia. Bara smalkaia warkka tâ baikaia dukiara uplika ba lalah wiria baman brisa, apia kaka âpu kabia sin ai mihta ra ulbi sakanka kum swiaia sip kabia (Job 34:19; Par.M 22:17). Baha mita upla kum wan ulbi sakanka nani ba bahki kulkisa kaka, witin mihta ra diara swibia apia (Mt. 7:6).

¿Nahki nu takaia sip sa uplika ba kau walaia ai brinka bri sapa? Natka kum ba sika uplika ba yawan wal aisaia wilin sa. Natka wala ba, yawan dîa aisi ba witin aman walisa, makabi walanka nani daukisa, yawan dîa makabi wali ba witin ansika yabisa, baku sin dîa luki ba aisisa. Yawan Baibil aisi kaikisa taim, witin rispik lâka wal walisa. Aitani kabia uplika ra makabi walaia wan ulbi sakanka nani aisi kaikisa sapa. Muihni lakri nani ba pain laki kaikaia sa upla nani kau lan takaia ai brinka bri sapa. Yabal ra smalkisa piua ra pain apia kabia upla sut lui wi ba ra ulbi sakanka kum yabaia. Bara upla kum kau walaia ai brinka bri ba yawan nu âpu sa kaka, kau pain kabia wauhtaya sirpi kum yabaia apia kaka paiwaia wauhkataya kum.

Baku sin, kangrigisan ra muihni lakri nani ba ulbi sakanka nani makabisa kaka, upla mihta ra dîa swibia baman sakaia sa, bara lukaia apia sa ulbi sakanka nani dukiara lalah kum yabaia sip ba mita manis sakaia sip sa. Yawan ulbi sakanka nani upla mihta ra swisa piua ra, witin nani ba prisantka nani yabisa. Naha prisantka nani ba wan ulbi sakanka nani dukiara baman apia, sakuna tasba aiska ra smalkaia warkka tâ baikaia dukiara sa. Baha mita, yawan uya lalah âpu kabia sin, kupia pihni lâka bri ba mita King lâka warkka tâ baikaia dukiara wan kupia bukisa wilinkira wan prisantka nani yabaia, sakuna yawan dîa bri ba wina tâka baman yabaia apia sa (Mk. 12:41-44; 2 Ko. 9:7). Baha mita ulbi sakanka nani upla mihta ra swibia baman sakaia sa, naha nani dukiara lalah yabaia sip kabia sin.

[Wahya 2 Lilkika ba]

Muihni lakri nani ba pain laki kaikaia sa upla nani kau lan takaia ai brinka bri sapa