Marikanka nani

Trisu kati ra pas satadika Baibil stadika nani nahki tâ krikaia

“¿Rait apia yawan sut ba wan pânika nani bri kaia nit sa? Pânikam daukanka nani sut tila wina, ¿ani ba man kau laiksma? [Ansika maikbia swis.] Naha wauhkataya ra wan marikisa nahki wan pânika nani ba aman kaiki wahbi sakaia sa.” Uplika ba ra La Atalaya wauhkataya Trisu kati 1 ba mariks bara wahia 16 ulbanka lalka taki ba laki kaiks bara tiks kumi aisi kaiks. Wauhkataya ba uplika ra swis bara kli wih kaikaia dukiara makabi walanka kum swis.

La Atalaya Trisu kati 1

“¿Dîa muni naiwa piua ra tasba nikbanka, prari bara naha sât trabilka nani tasba ra uba takisa? [Ansika maikbia swis.] Baibil ba kaina manis naha sât trabilka nani dukiara pat aisan kan. [Matiu 24:7, 8 aisi kaiks.] Naha wauhkataya ba makabi walanka yumhpa ansika yabisa: ¿Dîa muni tasba nikbanka, prari bara naha sât trabilka nani uba takisa?; ¿naha sât trabilka nani ba Gâd lawanka sa? bara, ¿yawan nahki nu  sa  Gâd tisku pali naha sât trabilka nani sut tnata mangkbia?”

¡Despertad! Trisu kati

Pas ba 2 Timoti 3:16 ba aisi kaiks. Baha wina wis: “Upla kum kum ba lukisa Baibil ba Gâd wina balan sa bara wala nani ba baku lukras sa. ¿Naha dukiara man dîa lukisma? [Ansika maikbia swis.] Baibil dukiara lukanka sât sât bâra kabia sin, upla sut nu sa Baibil ba âpu daukaia trai kaikan sa. Naha wauhkataya ra marikisa trabil nani kum kum takan ba upla nani Baibil aisi kaikbia apia dukiara bara nahki tikaia trai munan ba. Baku sin, marikisa nahki muni Baibil ba naiwa kat ban bâra sa.”