Marikanka nani

Lî kati ra pas satadika Baibil stadika nani nahki tâ krikaia

“Upla aihkika ba want sa kupia kumi lâka naha tasba ra kabia. Sakuna, yawan war aiklabanka manis bâra ba kaikisa. ¿Dîa muni kupia kumi lâka brih balaia ba karna munisa?” Uplika ba ansika maikbia taim, La Atalaya wauhkataya, Lî kati 1 wahia lâs ba mariks. Baha wina aikuki makabi walanka pas ba laki kaiks bara tiks kum aisi kaikaia sip sma. Wauhkataya nani yas, bara  makabi walanka wala ansika kum yabaia dukiara ahkia kli balma yua ba wis.

Ulbanka: Naha marikanka ba Lî kati smalki taki waia aidrubanka ra laki kaikaia sa.

La Atalaya Lî kati 1

“Yawan upla nani wal aisi taukisa trabil kum uya taki ba dukiara: upla wala nani dukiara saura lukaia ba. Upla ailal ba naha trabilka brisa. Sakuna, ¿man lukisma plis kum bâra sa naha tasba ra upla wala dukiara saura lukaia lâka ba âpu sa? [Ansika maikbia swis.] Kaiks nahki Gâd upla sut ra kaikisa [Apastil Nani Sturka 10:34 aisi kaiks]. Naha wauhkataya ba wan marikisa nahki Gâd upla wala dukiara saura lukaia lâka ba âpu daukbia.”

¡Despertad! Lî kati

“Man dîa lukisma ba yang nani nu takaia want sna. Yawan sut rayaka kum pain want sa. Sakuna, ¿man lukisma naha rayaka ba diara manis atki briaia ba wina balisa? [Ansika maikbia swis.] Kaiks Jisas dîa aisan ba [Luk 12:15 aisi kaiks]. Naha wauhkataya ba wan marikisa diara nani atki briaia ba yawan nahki kaikaia sa bara nahki muni lalah ba pitka kat yus munaia.”