Marikanka nani

Lî kati ra pas satadika Baibil stadika nani nahki tâ krikaia

“Upla nani ra wih kaiki taukisa naha makabi walanka painkira laki kaikaia dukiara [La Atalaya wauhkataya, Lî kati 1 wahia lâs ra makabi walanka pas taki ba mariks]. ¿Man dîa luki sma?” Ansika maikbia swis. Makabi walanka pas munhtara tânka taki ba laki kaiks bara tiks kum yus muns. Wauhkataya ba yas bara makabi walanka wala laki kaikaia dukiara ahkia kli balma yua ba wis.

La Atalaya Lî kati 1

“Mani bani upla 6,000,000 pruisa sigarit yus munisa ba mita. ¿Man lukisma natka pain kum bara sa naha trabilka tara ba alki takaskaia? [Ansika maikbia swis.] Upla manis ba sigarit yus muni kan ba wina pri takan sa, kan lan takan Gâd ba dîa lukisa naha dukiara. Sampla baku, naha tikska wal upla nani ai tânka brin sa nahki sigarit ba upla wala ra saura munisa [1 Korint 10:24 aisi kaiks]. Naha wauhkataya ra marikisa upla kum ba sigarit dukiara Gâd dîa luki ba lan takbia kaka, kupia bukisa sigarit ba swiaia.”

¡Despertad! Lî kati

“Pana takaia pliska nani Internet ra ba mita upla manis lukisa nanara pana kau brisa. Pana pain kum ba, ¿ani daukanka painkira bri kaia sa lukisma? [Ansika maikbia swis.] Baibil ra pana lâka pain kum briaia dukiara taki ba mai marikaia want sna [Jems 1:19 aisi kaiks]. Naha wauhkataya ra Baibil smalkanka walhwal mariki ba hilp wan munbia upla wala nani ba pana pain kum baku wan kaikbia.”