¿Tâ baiki smasmalkra baku takma ki?
1. ¿Dîa muni Jisas Pruan Kupia Kraukanka piua ba sanska pain kum sa kau smalkaia dukiara?
1 Jisas Pruan Kupia Kraukanka piua ba sanska tara kum sa smalkaia warkka ba kau daukaia. Naha piua ra yawan lukaia sip sa Jehova latwanka lâka ra, kan Witin ai Luhpia yaban atki wan sakaia dukiara (Jn. 3:16). Naha ba yawan ra hilp wan munisa wan tingkika lâka marikaia. Baku sin, upla wala nani ra aisaia want sa Jehova bara Witin dîa dauki ba dukiara (Ais. 12:4, 5; Lk. 6:45). Naha piua ra sin Jisas Pruan Kupia Kraukanka dukiara liliakira wan pamalika, lama uplika bara kakaira nani ra paiwaia sanska bâra sa. Baha wina, upla nani naha yua ra yawan aikuki asla takan ba wih kaikaia sip sa. ¿Kakamuk kati, Lih Wainhka kati bara Lih Mairin kati ra tâ baiki smasmalkra baku takaia sip sma?
2. ¿Dîa muni Kakamuk kati uba painkira sa tâ baiki smasmalkra baku takaia dukiara?
2 Kakamuk kati ba sanska pain sa. Naha kati ba uba painkira kabia tâ baiki smasmalkra baku takaia dukiara. Ya nani daukaia sip ba 30 awar apia kaka 50 daukaia sip sa. Impaki pura kakaira ba Kakamuk kati ra kangrigisan ra balbia kaka, tâ baiki smasmalkra nani ba aidrubanka sut ra tâura smasmalkra nani bara piu aiska smalki tataukra nani dukiara dauki ba tilara kaia sip sa. Jisas Pruan Kupia Kraukanka dukiara paiwanka nani piua ba kau wihka kabia bara Kakamuk kati 1 wina tâ krikbia. Jisas Pruan Kupia Kraukanka ba Tiusdi, Kakamuk kati 26, 2013 manka ra kabia. Baku sin, Kakamuk kati wik matsip brisa. Baha mita, yawan kumi bani naha kati painkira ba tilara smalkaia warkka ba tâ baikaia sip sa.
3. ¿Nahki muni smalkaia warkka ba kau tâ baikaia sip sma?
3 Nawas wina ridi taks. Naiwa wina wan taimka laki kaikaia sip sa naha piua ra tâ baiki smasmalkra baku takaia dukiara. Pamali sut pana pana tâ baikaia sip sa. Baha mita, Pamali Mayunra Tihmika ra aisaia sip sma nahki daukbia naha kati ra tâ baiki smasmalkra takaia dukiara (S.L 15:22). Sakuna, tâ baiki smasmalkra baku takaia sip apia sma kaka, uya sari kapara. ¿Smalki tauki kama taim kau taim mangkaia sip sma? ¿Apia kaka wik bilara yua kum ra smalki taki waia sip sma?
4. Kakamuk kati, Lih Wainhka kati bara Lih Mairin kati ra kau smalkbia kaka, ¿dîa yamnika brisa?
4 Kakamuk kati, Lih Wainhka kati bara Lih Mairin kati ra wan liliaka lâka kau tara kaia sip sa, kan Jehova warkka daukaia sip sa bara upla wala nani ra hilp munaia (Jn. 4:34; Ap.St 20:35). Kau pain ba sika yawan dîa dauki ba Jehova kupia liliakira daukbia (S.L 27:11).