Nu Takan Daukisa

◼ Smalki tataukra mairin kum utla durka tâ ba ra Baibil stadika kum yabisa bara smalki tataukra waitna kum witin wal taukisa kaka, ¿kristian mairin ba ai lal srukaia nit sa ki?

Smalki tataukra mairin ba Baibil stadika kum ai piua kat ban dauki ba tâ brisa, sakuna witin wal smalki tataukra waitna kum bâra sa kaka, ai lal srukaia sa (1 Ko. 11:3-10). La Atalaya wauhkataya, Pastara kati 15, 2002 manka, wahia 27 ra wisa: “Baibil stadika ba ai piua kat ban daukisa mita, stadika yabi uplika ba tâ brisa. Baha mita, stadika ba kangrigisan pîska kum takisa. Jehova Witniska mairin kum pat aihtabi takan ba Baibil stadika tâ brisa, sakuna Jehova Witniska waitna pat aihtabi takan kum wal taukisa kaka, kristian mairin ba ai lal srukaia sa”. Baibil stadika ba utla bilara, dur tâ ba kat bara ani ani ra daukbia sin mairin ba ai lal srukaia sa.

Sakuna, ¿stadika ba ai piua kat ban dauki ba sât apia sa kaka? Smalki tataukra mairin ba nit apia kabia ai lal srukaia, uplika ra wih kaiki ba nahki Baibil stadika kum daukisa marikaia dukiara. Bara ulbi sakanka kum stadika yabaia dukiara laki kaikbia sin nit apia kabia ai lal srukaia. Baibil stadika nani dur tâ ba kat dauki ba tawa tawa ra stadika kum ai piua kat ban dauki ba sât takisa. Aima ailal uplika ra wih kaikaia nit sa mita, smalki tataukra nani ba tânkira lâka marikaia sa ahkia taim mairin kum ai lal srukaia sa.