Smalkaia warkka kau pain daukaia sip sa: Utla durka tâ wina ¡Gâd sturka yamni nani ba! wauhkataya wal Baibil stadika tâ krikaia
¿Dîa muni daukaia sa? Disaipil nani daukaia dukiara, yawan Gâd Bîla smasmalkra kaia sa (Mt. 28:19, 20). Yawan sut ba sip sa tânka kasak ba pain upla ra smalkaia, yus munaia dukia nani wankan ba wal. ¡Gâd sturka yamni nani ba! wauhkataya ba upla nani ra tânka kasak ba smalkaia dukiara paski sakan sa. Baha mita, nanara yawan sip sa naha wauhkataya na wal Baibil stadika nani tâ krikaia pas trip uplika ra wih kaikisa piua ra, bara ai watla durka tâ wina daukaia.
Kati kum bilkara daukaia trai muns:
Baibil stadika kum tâ krikaia dukiara puram suns. Baku sin, Jehova ra makas hilp mai munbia Baibil stadika kum tâ krikaia bara upla ra tânka kasak ba pain lan daukaia (Pil. 2:13).
Pamali Mayunra dauki piua ra apia kaka silp wan stadika ra, trai muns marikanka ba pain kakaira takaia. Baku ba mita, man nanara sip kama sibrin âpukira upla nani ra aisaia, bara upla watla durka tâ wina Baibil stadika nani tâ krikaia smalki taukisma piua ra.