Upla nani wal aisaia dukiara aisanka painkira nani ridi dauks

1. ¿Dîa muni pain sa aisanka painkira kum ridi bri kaia?

¹ Plun auhni drap lupia kum ba pih kaiki sa taim, wan brinka bukisa sa kau piaia. Sim natka ra aisanka pain nani wal tâ krikbia kaka, Baibil tânka pain nani yabaia sanska wankisa. Aisanka painkira nani ba tânka manis bri kaia sip sa, bara kum kum ba yari apia kaka kau kunhku sa. Sakuna plun auhni drap lupia kum baku, yawan taim nit sa pain luki daukaia (S.L 15:28). ¿Nahki aisanka painkira nani ba daukaia sip sa?

2. ¿Nahki aisanka painkira kum ridi daukaia sip sa?

² Upla ba dîa kau walan daukisa. Yawan dîa aisaia tâ krikbia ba wal daukaia sa upla ba kau walaia ai brinka kabia, apia kaka uplika ba danh aisaia want apia kabia. Ridi taki sma taim, upla nani dîa kau walaia ai brinka ba dukiara luks. ¿Tawankam ra upla manis gabamint pain kum briaia dukiara wari takisa, pamali lilia kum briaia, apia kaka nahki war ba tnata mangkaia? Naha dukiara aisisa taim, upla nani ba ai brinka sa dîa luki ba aisaia. Baha mita, makabi walanka nani upla ra aisaia kupia buki ba sât ridi daukaia sip sa. Gâd Warkka Dauki wauhkataya ra marikanka nani taki ba wina kum yus munaia sip sma tawankam ra. Pamali Mayunra Tihmika ra naha marikanka nani daukaia sip sma.

3. Smalkisa pliska ra wan aisanka nani ba, ¿nahki upla nani ra luki daukaia sip sa?

³ Upla iwanka natka bara ai lukanka ba. Plis kum kum ra bîla kaikisa upla kum ba sim minitka ra wibia dîa dukiara taukisa. Bara plis wala nani ra upla kum watla dawanka yamnika dukiara makabi walras sa bara uplika witin dukiara tânka kum kum wiras sa kaka, rispik âpu lâka sa. Plis kum kum ra, upla nani ra kau isi sa tâ pali wina Baibil dukiara aisaia (Ap.St 2:14-17). Sakuna, plis kum ra upla nani ba Kristian apia rilidianka kum wina sa, apia kaka rilidian kumi sin âpu sa. Baku sa taim, pain kabia pas yua ra Baibil dukiara aisaia apia. Bara uplika ra kli wih kaikbia taim sip sa Baibil ba sakaia (Ap.St 17:22-31).

4. ¿Diaura aman luki kaikbia tâ bîla aisanka nani daukisa piua ra?

⁴ Tâ krikaia aisanka nani. Upla kupia buki bîla nani aisaia sa. Aisanka kunhku bara isi nani ba kau pain sa yus munaia. Tâ krikaia bîla aisabia ba yus tara kaia sip sa. Pana lâka kasak ba mariks, baku upla nani ba witin ra lukisma ba kaikbia. Naha kupia kraukanka nani ba hilp wan munbia aisanka painkira nani ridi daukaia. Bara baku natka ra yawan smalkisa pliska ra upla nani ba want kabia Jehova tibilka wina piaia (1 Ko. 10:21).