Smalkaia warkka kau pain daukaia sip sa: upla wal tâ bîla aisaia natka nani ba pain ridi dauks
¿Dîa muni daukaia sa? Yawan dîa aisaia tâ krikbia wal upla nani ba walaia ai brinka apia sa kaka, uplika ban wan bîla dakbia bara witnis aisaia sanska tikbia. Baha mita, smalki tataukra manis ba wisa pas bîla aisabia ba kulkanka tara brisa. Gâd Warkka Dauki wauhkataya bara Razonamiento bukka ra marikanka tânka kum kum takisa, sakuna naha nani ba tânka sut takras sa, yawan wira chens munbia dukiara. Baku sin, naha marikanka nani ba aiska tânka marikbia sin smalki tataukra nani ba chens munaia sip sa, apia kaka marikanka silp daukan ba yus munaia. Upla nani ba ai durka kwâkbia taim, wan sinska ra dîa pas aula ba aisaia watlika ra tâ wina dîa ridi bri ba aisabia kaka wan warkka ba kau pain daukbia (S.L 15:28).
Kati kum bilkara daukaia trai muns:
Pamali Mayunra piua ra tâ bîla nani nahki smalkaia warkka ra yus munaia sip ba dukiara praptis muns.
Smalkaia warkka ra kama taim, pânikam wal ani tâ bîla ridi daukram ba dukiara aisas (S.L 27:17). Aisaia natka daukram ba uba yus mai takras sa kaka, chens muns.