Marikanka nani

Kakamuk kati ra pas satadika Baibil stadika nani nahki tâ krikaia

“Yawan maisam paki taukisa, minit kum kum baman Jisas Pruan Kupia kraukanka, Lih Wainhka kati14 yua ba dukiara. Baha yua sika Jisas pruanka mani bani dauki ba. Upla kum kum ba asla takisa baha yua ra Jisas pruanka ba uba kulkanka tara brisa mita, sakuna upla wala nani lika tara kulkras sa. ¿Man lukisma Jisas pruanka ba wina yawan kumi bani yamnika sakaia sip sa?” [Ansika maikbia swis.] La Atalaya, Kakamuk kati 1 nina sait ra taki ba mariks. Baha ulbanka wina makabi walanka kum apia kaka wâl ba sip sa laki kaikaia bara Baibil tikska kum aisabia. Wauhkataya uplika ra yas, bara makabi walanka wala ansika yabaia dukiara ahkia kli balma yua ba wis.

La Atalaya Kakamuk kati 1

“Upla ailal ba makabi walisa dîa muni Gâd ba kasak apia lâka bara panis wahwanka tasba aiska ra bâra ba âpu daukras sa. ¿Man lukisma Gâd ba upla ra lukra sa, apia kaka Witin lukisa upla nani ba aitani sa panis wahwaia? [Ansika maikbia swis. Ningkara yas Jan 3:16 aisabia.] Upla ailal naha tikska yus munisa Gâd ba yawan dukiara lukisa marikaia dukiara. Sakuna witin nani nu âpu sa nahki Gâd luhpia pruanka ba yamnika munisa. Naha wauhkataya ra wan wisa Jisas pruanka ba mita, kasak apia lâka bara panis wahwanka tasba aiska ra ba âpu daukbia.”

¡Despertad! Kakamuk kati

“Yawan minit kum kum baman mai kaiki taukisa, wan brinka sa klir mai munaia. Naha tikska dukiara upla nani ba mistik lukisa [Blasi Sturka 1:1 aisi kaiks]. Upla kum kum lukisa tasba aiska paskanka ba, baha tikska ra dîa wi ba baku sa, sakuna upla wala nani ba baku lukras. ¿Man dîa lukisma? [Ansika maikbia swis.] Upla ailal ba Gâd paskanka nani ra kasak lukaia karna munisa, kan rilidian tâ bri nani ba Baibil dîa wi ba smalkras sa. Naha wauhkataya ra klir pali marikisa Baibil wina tasba paskanka tâ wina nahki kan ba.”