Marikanka nani

Paiwanka nani yabaia dukiara

“Yang nani nâra sna paiwanka kum yabaia dukiara. Tasba aiska ra kulkanka yua painkira kum daukbia. Lih Wainhka kati 3 yua ra, upla milian milian aikuki Jisas Pruan Kupia Kraukanka ba dauki kabia bara Baibil aisanka kum mana luha yabia ba marikbia nahki Jisas pruanka ba sut ra yamni wan munisa. Naha wahia ra sin marikisa ani awarka bara pliska ra kabia.”

La Atalaya Kakamuk kati 1

“Lih Wainhka kati 3 yua ba Jisas Pruanka ba kau mani kum alkisa. Wan pliska ra upla kum kum asla takaisa baha yua kulkaia dukiara, sakuna upla manis sin lukisa Jisas pruanka ba kulkanka tara yabaia dukia kum apia sa. ¿Baha dukiara man dîa luki sma ki? ¿Jisas pruan bara kli buan ba wina yawan hilpka kum brisa ki? [Ansika maikbia swis.] Baibil baha dukiara dîa smalki ba kaiks [1 Korint 15:22, 26 aisi kaiks]. Jisas sakripaiska ba wina yamnika kum bara ba sika, yu kum naha tasba ra upla kumi sin prubia apia. Naha wauhkataya ra marikisa yawan nahki briaia sip sa.”

Kakamuk kati 2015 ra marikanka nani

Baibil sturka nani bukka: “Titan yamni. Sturi yamni kum man wal aisaia want sna. ¿Man dîa lukisma kaina piua ra wan rayaka ba kau lilia kabia ki? [Ansika maikbia swis. Sturi 115 bukka ba kwâks bara lilkika taki ba mariks. Baha wina baiki sakanka 2 aisi kaiks.] Yawan naha bîla kasak lukisa kan Gâd pramiska kum sa. [2 Pi. 3:13.] Naha bukka ba paskan sa hilp wan munaia dukiara nahki Gâd bui yawan ra lukisa bara latwan wan kaiki ba tânka briaia. [Bukka ba yabaia.]”