Smalkaia warkka kau pain daukaia sip sa: walan daukras uplika ra nahki pain aisaia

¿Dîa muni daukaia sa? Luki kaiks, prari kum aula ba pat maisa pakan sa, bara upla manis ba pruaia sip sa ai kaina kahbras sa kaka. Lamam uplika watla ra wih maisa pakisma, sakuna naha ba bîlam dakbisa bara taim âpu wisa. ¿Diara daukras ba kat swima ki? ¡Apia pali! Sim natka ra, upla manis ba wan walaia want apia sa, kan witin nani nu âpu sa wan smalkanka ba swaki sakan lâka sa. Ban kra, baha minitka ra witin nani trabil brisa (Mt. 24:37-39). Apia kaka, upla wala wina yawan dukiara kunin bîla nani walan ba mita yawan wal aisaia wan apia sa (Mt. 11:18, 19). Ban kra, lukisa yawan ba diara saura man dauki rilidianka nani tila wina kum sa (2 Pi. 2:1, 2). Uplika ba tâura walaia ai brinka apia sa kaka, ban hilp munaia trai kaikbia.