Upla nani ra aihni pali kli wih kaikaia sa

Internet wan pliska pali ba kli paskan ba wina, upla nani ba kau Baibil stadika nani makabisa. Baku sin, upla bâra sa pliska nani ra smalkaia natka raya ba kasak hilp munisa. Betel apiska ba Bailbil stadika makabanka kum dimuya wal baku mahka laki kaikisa. Bara jw.org bâk makabisa kaka, yu wâl luan ra, baha uplika kangrigisan almukka nani kau lamara iwi ba maisa pakisa. Sakuna, wan maisa pakan sa piua kum kum ra upla kum Baibil stadika kum makabisa, bara wik nani luan ra Jehova witniska kum uplika ra wih kaikisa. ¿Dîa daukaia sip sa baha uplika nani ra aihni pali hilpka bribia kau nu takan dauki ba ra? (Mk. 4:14, 15.)

Upla kum tânka kasak ba kau nu takaia ai brinka sa bara baha pliska ra wan kangrigisanka smalkras sa kaka, mahka wauhkataya Sírvase visitar (S-43-MIS) banghki muni aidrubanka ra wama taim kangrigisan âiulbra ba ra yas. Baku sin, witin ba yua wâl kau luras bilka ra, ani kangrigisanka ra yabaia ba blikaia, apia kaka Betel apiska ra blikbia bara jw.org pliska ra Congregación wi ba bâk dimbia. Baku sin kangrigisan almukka nani ba Internet wan pliska pali ba ra pat pat dimaia sa. Sampla baku, upla kum wih kaikbia makabisa, bara pat maisa pakanka brin taim, aihni pali Jehova Witniska kum wih kaikaia sa. Ani smalki tataukra naha warkka yabia ba naha pas wih plikaia sa. Watla kat uplika ra wih plikan sakuna uplika sakras kaka, ai dairiksanka apia kaka natka kum nahki witin ra plikbia ba wauhkataya kum ra ulbi swiaia sa.