Internet wan pliska ba: upla sut yamnika sakaia sip sa

Jisas wan blikan King lâka sturka yamni ba ‘tasba aiska ra smalkan kabia, upla sut bani ra witnis aisaia ba dukiara’ (Mt. 24:14). Naha warkka ba takaskras pali daukaia dukiara, Internet pliska raya kum paskan sa. Naha pliska nani ba watchtower.org, jw-media.org bara jw.org asla dauki kumi sakan sa. Miskitu bîla ra dairiksanka ba naku sa: jw.org/miq (2 Ti. 4:5).

“Tasba aiska ra.” Tasba aiska ra upla manis ba Internet yus munisa. Upla aihkika ba, wahma tiara nani baku, Internet ra diara sut plikisa. Internet wan pliska pali ba upla sut ra Baibil makabi walanka ansika kasak nani ba yabisa. Naha pliska bâk Jehova asla takanka ba kakaira takaia sip sa bara natka isi ra Baibil stadika kum makabaia. Naha ba hilp munbia King lâka sturka yamni ba plis nani dimaia sanska uya âpu ba kat wabia.

“Kuntri sut.” Tânka kasak ba “kuntri sut” uplika nani ra smalkan kabia dukiara, bîla aisanka ailal ra kaia sa. Baha mita, Internet wan pliska pali bâra ulbi sakanka nani bîla aisanka 400 lamara suni swin sa. Internet pliska wala kumi sin baku daukras sa.

Yamnika saks. Naha pliska raya jw.org upla sut ra witnis aisaia dukiara baman apia sa. Jehova Witniska nani dukiara sin luki paskan sa. Internet ba brisma kaka, mai paiwisa jw.org pliska sut bâra dimi wama. Kaisa laki kaikaia naha pliska ba nahki pain yus munaia sip sa.

[Wahya 3 Lilkika ba]

(Ulbanka sut kaikaia dukiara, naha ulbi sakanka ba kaiks)

Trai muns

1 Internet ra dairiksan nani ulbi pliska ra www.jw.org/miq uls.

2 Wahia bilara dimma taim, ulbanka pîska bani ra tais bara ani ani ra mai bliki bâra dims. (Dimaia pliska kum kum ba Miskitu bîla ra ridi apia sa. Kaikaia dukiara www.jw.org/es bâra dimaia sip sma.)

3 Internet ra dimaia sip ba masinkam wal jw.org ra dims. Masinkam yahpika brisma ba kat naha pliska ba kaikma dukiara, diara kum kum sât wala kaikma, sakuna tânka sut bahara ba sim dukia sa.