Gâd Bîla ba piu sut ra yus munaia

Smalki taukisa piua ra upla kum pain wan walisa taim, sanska brih Baibil pali wina saki tiks nani ba aisi kaikisa. ¿Dîa muni? Kan yawan nu sa Gâd Bîla ba karnika tara brisa. Yu Kumi Aidrubanka mani luan ra brin ba ra naha dukia ra kasak aisan. Naha tânka ba “Usemos al máximo el poder de la Palabra de Dios en el ministerio” aisanka ra impaki pura kakaira yaban ba ra walan. Kaisa tânka kum kum laki kaikaia.

• ¿Dîa muni Gâd Bîla ba kulkanka kau brisa yawan dîa aisabia ba wal? (2 Ti. 3:16, 17.)

• ¿Baibil ba nahki muni wan kupia nikbisa, wan sinska sins munisa, wan kupia dara walra laki kaikisa bara wan daukanka nani wapni daukisa? (La Atalaya Lî kati 15, 2012 manka, wahia 27, baiki sakanka 7 ba kaiks.)

• Smalki tauki ba ra Baibil tikska kum aisi kaikaia ba, ¿nahki daukaia sip sa upla ba Baibil ra rispik munbia dukiara? (Benefíciese, wahia 148, baiki sakanka 3, 4 kaiks, bara Gâd Warkka Dauki Kakamuk kati 2013, wahia 8, baiki sakanka 8.)

• Baibil tikska kum aisi kaiki ba ra, ¿dîa muni aitani sa klir marikaia upla ba ai tânka bribia dukiara? (Ap.St 17:2, 3; Benefíciese bukka ba kaiks, wahia 154, baiki sakanka 4 wina, wahia 156, baiki sakanka 5 ba kat.)