Smalkaia warkka kau pain daukaia sip sa: stadi tatakra nani ra hilp muns

¿Dîa muni daukaia sa? Jisas disaipilka raya nani ba lan takaia sa diara sut adar yaban ba bîla walaia. Bara daukaia tilara sa, tânka kasak ba upla nani ra smalkaia (Mt. 28:19, 20). Stadi tatakra manis ba pat Nahki Smalkaia ba Skulka ra ai nina mangkan sa bara ban kra ai pamalika apia kaka ai pânika nani ra smalkisa. Witin nani dîa lan taki ba mita tawa tawa pâwanka kaikbia, Jehova kupia lâka sa upla sut tânka kasak ba nu takbia. Bara naha ai tânka bribia taim, smalkaia warkka daukaia want kabia (Ro. 10:13, 14). Bara kangrigisan wal smalkaia sip kabia taim, lan daukaia sa, baku witin nani sibrin âpu kabia naha warkka daukaia spirit lâka ra pâwbia dukiara (Lk. 6:40).

Nahki daukaia:

Smalki tataukra raya ba ra hilp muns ani ulbi sakanka yus munaia smalkaia warkka dukiara. Surunkam nahki ridi dauki sma, bara ulbi sakanka bani bri sma ba nahki yus munaia mariks.
Aikuki Gâd Warkka Dauki wauhkataya wina marikanka kum saki praptis muns. Stadi tatakra ba ra kupia buks silp ai lukanka wina aisabia. Bara Benefíciese bukka, wahia 82 wina nitka kum smalkisa pliska ra kau taki nani ba yus muns. Smalki tataukra raya ba ra kupia krauks ai kwalka dimra ba pain kabia (2 Ko. 6:3, 4).
Tawa tawa ra lan dauki was. Smalki tataukra ra tarjeta de territorio ba mariks, bara smalki piua ra, upla kum kau nu takan daukisa taim, dîa ulbaia ba tânka mariks bara pain ulbi briaia lan dauks. Lan dauks nahki jw.org ba yus munaia smalkaia warkka ra, baku sin Buenas nuevas para gente de todas las naciones bukka lupia ba yus munaia. Bara kau nu takan dauki uplika nani sakan ba kli wih kaikaia sin mariks (1 Ko. 3:6).
Wihka bîla kaikanka lâka mariks bara kupia buks (S.L 25:11). Sampla pain kaia sma. Takaskras kira smalki sma ba bara latwan lâka ni witin ra hilp yabi sma ba ai auya tikbia apia.

Kati kum bilkara daukaia trai muns:

Stadika kum smalki tataukra raya takan kum brisma kaka, utla utla ra smalkaia taki was, upla ra kli wih kaikaia brih was, apia kaka Baibil stadika kum ra brih was. Naha sât stadika kum âpu sma kaka, smalki tataukra uya lan âpu kum ra wis yulam kahbia.