Ridi takaia nit sa kau pain smalkaia dukiara

Jisas ra aima wâl ra pan makabi walan raya ban kaia lâka ba dukiara, sakuna aima bani, witin ai ansika yabi kan ba ra upla nitka kat lukan (Lk. 10:25-28; 18:18-20). Baku bamna, Baibil stadi takaia ulbi sakanka nani ba yawan pain kakaira sa sakuna, nit sa kaina manis ridi takaia wan stadi taki uplika nitka ra luki. ¿Dîa dukia ba witin mapara karna munisa tânka briaia apia kaka kasak lukaia? ¿Ani tikska nani ulban ba wina witin wal aisi kaikaia sa ki? ¿Baiki sakanka an stadi munaia sa? Ban kra yawan nit kabia maprika lilka kum ridi briaia, tânka kum marikaia, apia kaka makabi walanka kum kum wal stadi tatakra ra hilp munaia stadika ba tânka bribia dukiara. Baku sin, Jehova bui upla kupia ra saumukka ba mangkisa, baha mita yawan nit sa Jehova blisinka makabaia stadika ridi daukisa taim, stadi tatakra dukiara, bara spirit lâka ra pâwbia hilpka yawan yabi ba dukiara sin ( 1 Ko. 3:6; Je. 1:5).